Psalm 10:14 - De Beebaa Dabu

¹⁴ Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Psalm 10:14 Iomraidhean Croise

Genesis 21:17

Gai de Maadua gu langona de leo o tama daane laa, gai tangada de langi o de Maadua ga basa ange gi Hagar mai i de langi, ga hai ange gi de ia, “Gu aha naa goe e Hagar? Aude madagu, go hiidinga de Maadua gu langona de leo o tama i de mommee oona iai.

Genesis 31:12

Gai ia ga hai mai, ‘Galo ange diiloo bolo denga guudi daane alodahi e loange laa gi denga manu haahine e sissisi, ma de daubulebule aama de dongidongi, go hiidinga au gu gidee mee alodahi a Laban gu hai adu gi de goe.

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

2 Kings 9:26

‘Au ne gidee dodo o Naboth anaahi, ma dodo o ana dama; gai au e sui adu naa au hegau baubau i honga de alahenua o Naboth, go Tagi Maolunga e hagadaba.’ Gai sabaia Joram magaa ange gi honga de alahenua laa, bei dagodo muna a Tagi Maolunga.”

2 Chronicles 24:22

Gai Joash ne ngalo donu e ia de abodonu ange o Jehoiada, tamana o Zechariah gi de ia, gai ia ne daa dana dama daane ga magau. De masavaa o Zechariah gu dai magau ai, gai ia ga hai ange, “Tagi Maolunga gi diiloo gi suuia adu au hegau!”

2 Chronicles 6:23

gai koe hagalaangona mai i de langi, ga hai hegau ange ga hagamodu muna o oo dangada hai hegau, ga hagaduasala tangada gu haisala gi bei ana hegau gu hai. Gai koe e degi ange gi tangada heohi bei dagodo o ana hegau.

Psalm 146:9

Tagi Maolunga e dagitilo de gau henua gee; ia e bale ange de hine gu magau dono bodu ma de gauligi gu deai sono damana, aagai e hai gi dee ssula hagatau a de gau baubau.

Psalm 22:11

Koe gi dee hagammao gee i de au, go hiidinga de hai ngadaa e baa mai donu gi de au, gai e deai e balea mai au.

Psalm 31:8

gai koe tee gaavange au gi ogu hagadaumee, gai ne hai au gi duu i de mommee lahalaha.

Psalm 35:22

Tagi Maolunga, koe e gidee mee nei, aude noho gi dee muu! Dogu Ia Aamua, aude hagammao gee mai i de au!

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Psalm 68:5

De Maadua e noho laa i honga dono mommee dabu, go tamana o denga gauligi gu deai olaadeu damana, gai ia e buibui denga haahine gu maakau olaadeu bodu.

Psalm 68:6

De Maadua e gaavange gi tangada hagaaloha dahi huaabodu, ma de hagassao mai dangada i de hale pono ga hagailaage gilaadeu; gai de gau makaga olaadeu lodo e nnoho naa i de henua e deai vai iai.

Exodus 2:25

Gai de Maadua ga galo iho ga tilo dagodo o de gau Israel, gai ia gu iloo olaadeu dagodo.

Exodus 22:22

Aude vaivai haia de hine gu magau dono bodu, aabe go de gauligi gu deai sono damana.

Exodus 22:26

Noo koe e kave gee de malo laa daha o tangada e hagadonu ai dana hagao ana muli, gai koe hagaahea ange dono malo gi de ia i mua nei de danu de laa;

Proverbs 15:25

Tagi Maolunga e oha de hale o tangada hagamaolunga, aagai ia e hai gi dee hagangaalue ina goinga o de hine gu magau dono bodu.

Proverbs 15:3

Luu mada o Tagi Maolunga i mommee alodahi, ia e dagitilo de gau baubau aama gilaadeu e danuaa.

Isaiah 10:3

Gai ni aha naa oodou e hai i de laangi o de hagaduasala, ma de masavaa e dae mai ai de hai ngadaa i de mommee mmao? Go daho ai oodou e hulo gi balea adu goodou? Gai go hee naa donu oodou e dugu ai oodou goloa lagolago?

Jeremiah 16:17

Gai au gu gidee danuaa olaadeu dagodo alodahi; mee nei e dee hagammuni donu i de au, gai olaadeu baubau e dee haoli donu gi dee gidee ai e au.

Jeremiah 23:24

E aha, e maua e tangada i de mmuni i dahi mommee gi dee gidee ai e au ia? go Tagi Maolunga e hagadaba. E aha, e dee noho au i mommee alodahi i de langi ma henua i lalo? go Tagi Maolunga e hagadaba.

Jeremiah 49:11

Dugua au dama e deai olaadeu damana, gai au ga tilo ange gilaadeu; gai au haahine gu maakau olaadeu bodu e maua i de hagadonu au.”

Jeremiah 51:56

Dahi dangada oha mee gu humai e hebagi ange gi Babylon; ono daane hebagi gu noonoodia ma gu gaavee, gai alaadeu mee hholu gu hadihadia. Go hiidinga Tagi Maolunga se Maadua e suuia ange de baubau, gai ia e hagaodi ange donu de hagaoanga o ana hegau.

Lamentations 3:59

Tagi Maolunga, koe gu gidee mee dee heohi ne hai mai gi de au, hagamodu ina ogu muna gi sula danuaa mai ai dogu heohi.

Lamentations 3:60

Koe gu gidee delaadeu hai ne sui mai ai agu hegau, ma alaadeu hagatau alodahi e hai baasi mai ai gi de au.

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Deuteronomy 10:18

Gai ia e hai hegau i de hagamodu heohi ange gi denga gauligi e deai olaadeu damana, ma haahine gu maakau olaadeu bodu, ma de aloha ange gi de gau henua gee e nnoho i oodou magavaa, aama de gaavange alaadeu gai ma olaadeu malo.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

1 Peter 4:19

Deenei ai, gilaadeu e hagaduasala ina laa bei dagodo de hagatau a de Maadua, gi haia de mee heohi ma de dugu ange olaadeu hagasaalunga gi de ia ne haia gilaadeu, ia e hai hegau i de mee heohi.

1 Peter 5:7

Gaavange mee alodahi oodou e manavasaa ai ia gi hagauda ina, i hiidinga ia e tilo danuaa adu goodou.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.