Psalm 10:1 - De Beebaa Dabu

¹ Tagi Maolunga, gu aha gu hagammao gee ai naa goe? Gu aha gu mmuni ai naa goe i denga masavaa hai ngadaa?

Psalm 10:1 Iomraidhean Croise

De Beebaa go Job 13:24

Gu aha gu hagammuni ai naa luoo mada ma de dau au gi se hagadaumee niiou?

De Beebaa go Job 23:9

De masavaa oona e hai hegau ai i ngaiho, gai au e dee gidee ia; de masavaa oona e huli ai gi ngaage, gai au e dee gidee hogi ia.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

Psalm 22:1

Dogu Maadua, dogu Maadua, gu aha gu tili ai naa goe au? Gu aha gu kona ai naa doo mmao gee ma dau dee hagaola dogu mouli, i dogu masavaa e mmae ai?

Psalm 27:9

Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 30:7

Tagi Maolunga, koe ne hai dogu mounga gi duu gi makaga, i doo abodonu mai gi de au; aagai au ne manavasaa ogu lodo i de masavaa aau ne hagammuni ai luoo mada.

Psalm 44:24

Gu aha gu hagammuni ai naa luoo mada i gimaadeu, ma de hagangalo demaadeu duasala ma demaadeu vaivai haia?

Psalm 44:25

Gimaadeu gu ino gi lo te gelegele; gai omaadeu angaanga gu daakodo i lo te gelegele.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 88:14

Tagi Maolunga, gu aha goe gu tili ai naa ngau? Gai gu aha gu hagammuni ai naa luoo mada i de au?

Jeremiah 14:8

Go koe de tali hagalodolodo a Israel, gai go dono Ia Hagaola i de masavaa hai ngadaa. Gai gu aha goe gu bei ai naa dagodo o dahi dangada henua gee i honga de henua, ma tangada e humai laa donu huu e noho i dahi boo?

Jeremiah 14:9

Gu aha goe gu bei ai naa dahi dangada gu lele laa ono mouli, bei taane hebagi gu deai ono mahi e hagaola ai dahi? Tagi Maolunga, koe e noho i omaadeu daha, gai gimaadeu gu kave doo ingoo; koe gi dee dilia gimaadeu!