Psalm 1:3 - De Beebaa Dabu

³ Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Psalm 1:3 Iomraidhean Croise

Genesis 39:23

Gai tagi o de hale pono tee hakoso ange donu gi dahi mee daudahi a Joseph e tilo ange, go hiidinga Tagi Maolunga e noho i ono daha ma de hagamanuuia mee alodahi a Joseph e hai.

Genesis 39:3

Gai dono dagi aamua gu gidee e ia bolo Tagi Maolunga e noho madali Joseph, gai mee alodahi aana e hai gai Tagi Maolunga e hai gi hagadagadaga age.

2 Kings 18:7

Gai Tagi Maolunga ne noho i ono daha; gai ia e hagadagadaga age i mee alodahi aana e hai. Ia ne hai baasi ange gi de hodooligi o Assyria, ia tee hai hegau ange gi de ia.

1 Chronicles 22:11

Deenei ai, dagu dama, Tagi Maolunga gi noho madali goe, gi maua ai e goe i de hagaduu de hale o Tagi Maolunga doo Maadua, bei dana hai gu tala ai.

1 Chronicles 22:13

Gai koe e hagadagadaga age naa, noo koe e daohi mee a Tagi Maolunga gu hagasauaa ma de hagamodu ange gi Moses, ia gi gaavange gi de gau Israel. Koe gi lodo mmahi ma de lo taane. Aude madagu aabe gi baageaa oo lodo.

2 Chronicles 31:21

Gai ia ne hagadaga age i mee alodahi aana ne hai i de hale o de Maadua ma dono daudali i hainga ma muna gu tala ange, ma dana ssala de Maadua ga hai mee nei i ono lodo alodahi.

2 Chronicles 32:23

Gai dangada soa ne gaamai denga sigidaumaha a Tagi Maolunga gi Jerusalem, ma mee ngadi gaavange hagamogomogo ange gi Hezekiah, de hodooligi o Judah. Gai denga huaahenua alodahi ne hagaamua ia mai i de masavaa laa.

De Beebaa go Job 14:9

aagai de mama o denga vai e hai naa ga ahe age, gai ono uli e matili age naa bei dahi manu somo.

De Beebaa go Job 22:28

Au mee e hagatau e hai e hagassula naa donu, gai de maalama e hagamaalama naa oo haiava.

Psalm 128:2

Koe e gai naa hua o au hegau, gai koe manuuia naa ma de duadonu.

Psalm 129:8

Gai dangada e seesee i kilaa gi dee hagataba, “De hagamanuuia a Tagi Maolunga gi dagodo i oodou elunga; gimaadeu e hagamanuuia goodou i de ingoo o Tagi Maolunga.”

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

Psalm 92:15

e hagaago mai ai bolo Tagi Maolunga e heohi; go ia dogu baba makaga, gai e deai donu se baubau daudahi i ono lodo.

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Isaiah 44:4

Gai gilaadeu e ssomo naa i magavaa o helii, ma denga willow e ssomo laa i gaogao denga saalingaa vai.

Isaiah 58:11

Gai Tagi Maolunga e dagi naa goe i masavaa alodahi, ia e gaavadu oo mee e duasala ai i de masavaa hai ngadaa, ma de hagammahi doo angaanga. Gai koe e bei naa dagodo o de veelenga gu maluulu danuaa laa, ma de vai e dee maua laa gi masa.

Jeremiah 17:8

Ia e bei naa de manu somo e doo laa i gaogao de vai, ono aga e ssomo ma e hulo gi lo te saalingaa vai. Gai e dee madagu donu i de masavaa hagavvela; ono lau e lau kohu i masavaa alodahi, gai e dee manavasaa i de ngadau o tau laohie, gai e hua i masavaa alodahi.

Ezekiel 17:8

De grapevine laa ne doo i honga de gelegele danuaa iai vai lagolago, gi lagolago ai ono laa ma de hua lagolago, gai gi se grapevine danuaa.’

Ezekiel 19:10

Doo dinana e bei dagodo o dahi grapevine, ne doo laa i gaogao de vai, gai e lagolago ono hua ma de laalaa ina i hiidinga de lagolago vai.

Ezekiel 31:5

Deelaa ai, gu looloa ange i manu ssomo alodahi i lodo henua; gai ono laa gu ssomo ga nnui ma de lloa mmao, i hiidinga de lagolago vai i luu baasi.

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”

Numbers 24:6

Gai e bei denga geelonga i de mommee lahalaha, ma denga veelenga i gaogao dahi saalingaa vai, ma denga aloe a Tagi Maolunga ne doo, ma denga cedar e ssomo i gaogao denga vai.

Matthew 13:6

Gai de masavaa huu ne sula age ai de laa, gai manu laa gu mmae, go hiidinga tigi ai donu olaadeu aga.

Matthew 21:19

Gai ia gu gidee dahi fig e somo i gaogao de haiava, gai ia ne hano e tilo be hanu hua iai, gai ia tee gidee hanu hua i de manu laa, gai ni lau manu donu huu iai. Gai ia ga hai ange, “Koe e dee ahe ange naa donu e hua!” Gai de fig laa gu mmae i de masavaa laa donu huu.

Matthew 21:34

Gai de masavaa huu ne maatua ai hua o dana veelenga, gai ia ne hai gi hulo ono dangada hai hegau, gi daho dangada e diiloo ange dana veelenga, gi gaavee ai dana diba mai i denga huamanu.

Matthew 21:41

Gilaadeu ne hai ange gi de ia, “Ia e hagaduasala naa de gau baubau laa ga daa gilaadeu gu maakau, gai ga gaavange de veelenga laa gi hanu dangada gee, gai gilaadeu ga gaavange ai gi de ia dana diba i denga huamanu i de masavaa e hagihagi ai.”

John 15:6

Noo tangada e dee noho i ogu lodo, gai ia e bei de laa gu tuu laa ma gu tili, gai gu mmae; laa bee nei e hagabudu ga tili ange gi lo te ahi ga dudu ai.

Deuteronomy 28:8

Gai Tagi Maolunga e hagamanuuia naa doo hale doange gai aama au hegau alodahi e hai; Tagi Maolunga doo Maadua e hagamanuuia naa goe, i de henua aana e gaavadu gi de goe.

Jude 1:12

De gau nei e bei dagodo o mee dongidongi gelegele i de masavaa oodou e hagabuni ai e daonga i de hagadau aaloha; gilaadeu e dee maatagu donu i de gaimee madali goodou, gilaadeu e bei de gau hagaloosi ssiibi e hangaina laa donu huu gilaadeu. Gilaadeu e bei giliiga e ilihia saele laa i de madangi, gai e deai donu vai langi iai, gai e bei hogi manu ssomo e deai olaadeu hua i malama e malili ai lau o denga manu ssomo; tee hhua gai ne unuunusi age — ne lua hanonga ne maakau ai.

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.