Proverbs 7:8 - De Beebaa Dabu

⁸ Ia e seesee iho i honga de haiava i gaogao de hale o dahi hahine, gai ia ne seesee i de haiava e hano laa gi de hale o de hine laa,

Proverbs 7:8 Iomraidhean Croise

Proverbs 5:8

Koe gi hagammao gee i de hine bee nei, aude hano donu gi hagabaa ange gi de mommee iai dono hale;

Proverbs 7:12

ia e hano saele i honga de haiava ma lodo mommee hagao mee, ma de duu i dege o denga haiava.

Proverbs 7:27

Dono hale go de haiava e hano laa gi de mommee o de gau maakau, gai e hano iho gi lodo daanunga o de gau maakau.

1 Corinthians 6:18

Goodou saavini hulo gee i denga dahulinga dagodo haisala. Haisala ange laa e hai i tua de angaanga, aagai denga dahulinga hai be se manu e hai baasi ange donu gi de angaanga o tangada.

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

Jude 1:23

ma de hagaola hanu ga aau gee gilaadeu i de ahi; gai degi ange gi de gau ange laa i doodou maatagu — gai goodou kino donu i malo gu hakino gee laa i mee o de angaanga.

Judges 16:1

Dahi laangi gai Samson ne hano gi Gaza, gai ia gu gidee dahi hahine hai be se manu i kilaa. Gai ia ne dagodo haisala ma ia.