Proverbs 4:3 - De Beebaa Dabu

³ De masavaa oogu e gauligi ai i de hale o dogu damana, gai dogu angaanga goi mmodo huu, gai go tama hagamogomogo a dogu dinana,

Proverbs 4:3 Iomraidhean Croise

1 Chronicles 22:5

Gai David ne hagadaba, “Dagu dama daane go Solomon goi gauligi huu, gai tigi madua dana maanadu, gai de hale o Tagi Maolunga aana e hagaduu e hai gi se hale mahamaha mmao, gi langona ai e denga huaahenua alodahi dagodo o de hale nei aama dono mahamaha. Gai au e hagadabena naa mee alodahi e hai ai.” Gai David ne hagadabena denga goloa lagolago mmao i mua dono magau.

1 Chronicles 29:1

Gai de hodooligi go David ga hai ange gi dangada alodahi, “Dagu dama go Solomon, taane a de Maadua gu hili, goi gauligi huu gai tigi madua dana maanadu. Gai de hegau nei se hegau laumalie, go hiidinga de hale danuaa nei e dee se hale niio dahi dangada, gai se mommee e niio Tagi Maolunga de Maadua.

1 Chronicles 3:5

Aanei dama a David ne hagadili i Jerusalem: go Shimea, ma Shobab, ma Nathan, aama Solomon. Gilaadeu dogohaa nei go dama a Bathsheba, tamaa hine a Ammiel.

Jeremiah 10:23

Tagi Maolunga, au e iloo bolo de haiava o tangada e dee go ia e hilihilia, gai e dee go ia e dagina dono haiava e seesee ai.

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.