Proverbs 26:12 - De Beebaa Dabu

¹² Tangada lodo senga e kii ange de dahi ana tali i tangada e maanadu bolo ia e heiangi.

Proverbs 26:12 Iomraidhean Croise

Proverbs 12:15

Tangada lodo senga e maanadu bolo ana hegau e heohi donu, aagai tangada heiangi e hagallongo denga muna bale.

Proverbs 22:29

Koe e gidee laa dahi dangada labagau i de hai ana hegau? Ia e hai hegau naa i mada i mua o denga hodooligi; ia e dee hai hegau ange naa donu gi hanu ngadi dangada.

Proverbs 26:16

Tangada vaiduu e maanadu bolo ia e heiangi ange i e dogohidu dangada maanetonu i alaadeu muna e tala.

Proverbs 26:5

Basa ange gi tangada lodo senga gi bei dagodo o dono senga, gi dee maanadu ai ia bolo ia e heiangi.

Proverbs 28:11

Tangada lava e maanadu bolo ia se dangada heiangi, aagai tangada hagaau aloha e donu ange laa, e iloo dagodo o tangada lava.

Proverbs 28:26

Tangada e hagadonu laa donu huu ia se dangada lodo senga; aagai tangada e hai hegau i de heiangi e ola donu.

Proverbs 29:20

E kii ange de dahi adaadeu tali ange gi tangada lodo senga i tangada e hagamoolau laa ga basa.

Proverbs 3:7

Aude hagadaba bolo koe e heiangi, gai koe gi madagu i Tagi Maolunga, ma de kino i de baubau.

Isaiah 5:21

E vakaa naa gilaadeu e maanadu laa bolo gilaadeu ni dangada heiangi ma de tonu!

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

Luke 18:11

De Pharisee laa ne vvae gee ia ma dangada gai ia ga duu ga dalodalo, ga hai ange, ‘De Maadua, au e hagaahe adu de abodonu gi de goe, go hiidinga au e dee bei dagodo o dangada ange laa. Gilaadeu ni dangada gaiaa, ma de hai mee dee heohi aama de dagodo haisala, au e dee bei hogi dagodo o taane hagabudu taagisese.

Luke 7:44

Gai Iesu ne huli ange gi de hine laa, gai ia ga hai ange gi Simon, “Galo ange diiloo de hine nei. Au ne humai gi doo hale, gai koe tee gaamai hanu vai e hhui ai luoogu vae, aagai de hine nei gu hhui luoogu vae i ono loimada ma de hagammasa i ono ngaangaaulu.

John 9:41

Iesu ne hai ange gi gilaadeu, “Noo goodou e dee kide, gai goodou e dee hagabaubau i oodou haisala; aagai go hiidinga goodou e hagataba bolo goodou e gidee, deelaa ai, goodou e haisala donu.”

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Revelation 3:17

Go hiidinga koe e hagadaba, ‘Au se dangada lava, au e hagadagadaga age, gai e deai donu se mee daudahi oogu e duasala ai.’ Koe e dee donu iho donu bolo koe e hai ngadaa ma de hagaaloha oo dagodo, ma de hagaau aloha, koe e dee gide ma teai oo malo.