Proverbs 22:2 - De Beebaa Dabu

² Tangada lava ma tangada hagaau aloha se dagodo daudahi i de mee nei: go Tagi Maolunga ne haia gilaau ngaadahi.

Proverbs 22:2 Iomraidhean Croise

De Beebaa go Job 31:15

Gai e dee go de ia hogi ne haia nei au i de mommee o denga dama ne hai ia? Gai e dee go ia hogi ne haia gidaadeu i lodo dinae o odaadeu dinana?

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Proverbs 14:31

Tangada e vaivai haia laa tangada hagaau aloha e hagangadi mee de ia ne haia gilaau, aagai be goai e abodonu ange gi gilaadeu e duasala e hagadubu de Maadua.

Proverbs 29:13

Tangada hagaau aloha ma tangada e vaivai haia dangada e dagodo daudahi donu huu i de mee nei: go Tagi Maolunga e haia olaau ganomada e tilo ai.

1 Corinthians 12:21

De ganomada e dee maua i de hai ange gi de lima, “E deai donu oo haigamaiana mai gi de au!” Gai de biho e dee maua i de hai ange gi de vae, “E deai donu oo haigamaiana mai gi de au!”

1 Samuel 2:7

Tagi Maolunga e hai hanu gi hagaau aloha gai hanu gi lava; ia e hagamaolalo dahi, gai e hagaamua dahi.