Proverbs 2:6 - De Beebaa Dabu

⁶ I hiidinga go Tagi Maolunga e gaavadu de heiangi abodonu, gai go ia e daalaa adu dagodo o de iloo mee, ma de donu ange.

Proverbs 2:6 Iomraidhean Croise

1 Kings 10:24

Gai dangada o henua i lalo alodahi ne loomai gi daho Solomon, e hagallongo ai ana muna e tala i de heiangi a de Maadua gu gaavange laa gi de ia.

1 Kings 3:12

Deenei ai, au e hai donu gi bei dau dangidangi. Tilo, au e gaavadu naa gi de goe de heiangi ma de donu ange gi mee. Gai e tigi ai ange donu se dangada ne bei oo dagodo mai madagidagi, aabe se dangada e bei oo dagodo i muli mai.

1 Kings 3:9

Gaamai gi de au, doo dangada hai hegau, de heiangi e dagi ai oo dangada, gi maua ai e au i de vvae de mee danuaa mai i de mee baubau. Gai goai e bau ange gi de dagi doo huaadangada soa?”

1 Kings 4:29

Gai de Maadua ne gaavange gi Solomon de heiangi ma de iloo mee, gai dono donu ange gi mee e dee maua i de tala ono dagodo, bei de lagolago o denga gelegele i gaogao tai.

1 Chronicles 22:12

Gai Tagi Maolunga gi haia goe gi maanetonu ma de iloo mee, gai koe ga daohi ai de hainga a Tagi Maolunga doo Maadua i de masavaa aana e hai ai goe gi hodooligi i Israel.

Ezra 7:25

Gai koe, Ezra, ga hagahai hegau ina de heiangi o doo Maadua e dagodo naa i oo daha, gai koe ga hili ai hanu dagi o de henua ma de gau hagamodu muna, gai gilaadeu ga hagamodu ai muna o dangada alodahi, i baasi dai o Euphrates, go dangada alodahi e iloo hainga a doo Maadua. Gai koe ga agoago ange hogi be goai e dee iloo mee nei.

Nehemiah 7:5

Gai dogu Maadua ne gaamai gi ogu lodo de hagabuni de gau aamua, ma denga dagi ma de gau ange laa gi siia olaadeu ingoo ma olaadeu atangada. Gai au ne gidee dahi beebaa e daohi ai ingoo o dangada, ne aahe mai laa gi de henua i taamada, gai au ne gidee mee ne sisi i ono lodo:

De Beebaa go Job 12:13

De Maadua e heiangi ma de mmahi; go ia iai de hagasaele heohi ma de donu ange.

De Beebaa go Job 12:16

De mmahi ma de heiangi abodonu i ono daha; niiana tangada gu daahangadia aama gilaadeu e daahanga ina dangada.

De Beebaa go Job 22:22

Gaavee ana muna bale e tala adu, gai daohia ana muna i oo lodo.

De Beebaa go Job 32:8

Aagai go de hagasaalunga i lodo o tangada, ma de madangi o de manava a de Ia Mmahi Mmao laa, e haia gi maua e ia i de donu ange.

Psalm 119:104

Au muna gu hagasauaa ne hai ga kii ange dogu donu ange; deelaa ai, au e kino i hegau baubau alodahi.

Psalm 119:34

Haia gi donu ange au, gai au ga daohi dau hainga ma de daudali i mee nei i ogu lodo alodahi.

Psalm 119:98

Au hainga e hai au ma e kii ange de heiangi i ogu hagadaumee, i hiidinga e daakodo i ogu lodo i masavaa alodahi.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

Psalm 19:8

Mee a Tagi Maolunga e hagasauaa e heohi, gai e hagamalangilangi lodo o tangada. Muna a Tagi Maolunga e gilimalali, gai e hagamaalama luu mada o tangada.

Psalm 51:6

Ni muna abodonu, koe e lodo gi dagodo de mee abodonu i de lodo; gai koe agoagona mai ogu lodo i de heiangi abodonu.

Psalm 94:10

E aha, de ia e haelea denga huaahenua e dee hagaduasala naa gilaadeu? Gai de ia e agoagona ange tangada e dee iloo mee?

Exodus 31:3

gai au gu hhao ia i ssauaa o dogu Hagasaalunga, ma de hina ma de heiangi, ma de iloo mee, aama denga hagadaagangaa hegau alodahi a de labagau e hai.

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

Isaiah 54:13

Gai au dama alodahi e agoago naa i daho Tagi Maolunga, gai au dama e laumalie naa delaadeu nnoho paba.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Daniel 1:17

Gai de Maadua ne gaavange gi denga dama daane dogohaa laa de iloo mee, ma de heiangi e ago mee ma de tonu ange gi mee alodahi e sisi i lodo beebaa. Gai Daniel e donu ange hogi gi denga midi hagaago ange aama midi ange laa.

Daniel 2:21

Ia e sui denga masavaa ma masavaa i lo te ngadau alodahi, ia e tili hanu hodooligi gai ga hagassula hanu. Ia e gaavange de heiangi gi gilaadeu e heiangi, gai de iloo mee gi gilaadeu e tonu ange.

Daniel 2:23

De Maadua o ogu dubuna, au e hagaahe adu de abodonu ma de tuhi goe: koe gu gaamai gi de au de heiangi ma de mmahi; koe gu hagaago mai gi de au mee amaadeu gu dangidangi adu ai gi de goe, koe gu hagaago mai gi gimaadeu de mee a de hodooligi e lodo gi iloo.”

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

John 6:45

Gu sisi i lodo beebaa a denga pelaabisi, ‘Gilaadeu alodahi e agoago naa i daho de Maadua.’ Gai be goai gu langona ma de agoago i daho Tamana e humai gi de au.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.