Proverbs 17:3 - De Beebaa Dabu

³ De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Proverbs 17:3 Iomraidhean Croise

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

De Beebaa go Job 23:10

Aagai ia e iloo dogu haiava e hano ai; ga lava naa huu dana hagatale au, gai au gu gilimalali bei dagodo o denga goolo mai i lo te ahi.

De Beebaa go Job 28:1

E dahi donu mommee e geli ai denga selevaa, gai e dahi mommee e hagagilimalali ai denga goolo.

Psalm 139:23

De Maadua, koe diiloo gi iloo ogu dagodo ma ogu lodo; hagataalea ogu dagodo gi iloo ai dagodo o agu maanadu.

Psalm 26:2

Tagi Maolunga, hagataalea ange ma gi diiloo ogu dagodo; gai hagataalea ange dagodo o ogu lodo ma agu hagasaele.

Psalm 66:10

De Maadua, koe gu hagatale ange omaadeu dagodo; koe gu hagagilimalali gimaadeu bei de hagagilimalali o denga selevaa i de ahi.

Proverbs 15:11

De mommee o de gau maakau ma Abaddon e maahuge i mada luu mada o Tagi Maolunga, gai lodo o dangada e kii ange donu de maahuge ange gi de ia.

Proverbs 16:2

Tangada e maanadu bolo ana hegau alodahi e gilimalali, aagai Tagi Maolunga e hagahidi dagodo o ono lodo.

Proverbs 17:2

Tangada hai hegau heiangi e dagi naa tama hagadookaa dangada, ma de kave de boolonga madali denga hai daina daane.

Proverbs 21:2

Tangada e maua i de maanadu bolo ono haiava e heohi, aagai Tagi Maolunga e hagahidi dagodo o ono lodo.

Proverbs 27:21

De anibada se mee ange gi denga selevaa, gai de ahi mmahi se mee ange gi denga goolo, aagai dangada e gidee danuaa dagodo o tangada i de masavaa alaadeu e tuhi ai ia.

Isaiah 48:10

Tilo, au gu hagagilimalali goe, gai tee hagagilimalali bei denga selevaa; au ne hagagilimalali goe i lo te ahi o de hagaduasala.

Jeremiah 17:10

Gai au, Tagi Maolunga, e tilo dagodo o de lodo ma de hagatale maanadu a tangada, au e hagao ange naa gi bei dagodo hegau a dahi.”

Ezekiel 22:18

“Tama a tangada, mai gi de au, de gau Israel gu bei donu denga lehu o denga selevaa; gilaadeu alodahi gu bei dagodo o denga bronze, ma dini, ma iron, aama lead gu dudu laa i lo te ahi mmahi; gilaadeu go lehu donu e doe laa.

Daniel 11:35

Hanu dangada iloo mee laa e maakau naa, e hagadanuaa ai ma de hagagilimalali ai aama de hai gi deai mee baubau i gilaadeu ga dae ai gi de hagaodi; gai e dae mai naa i de masavaa gu hagamodu laa.

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

Revelation 2:23

Au e daa naa hogi ana dama gi maakau, gi iloo ai e denga nohoanga dabu alodahi bolo au e iloo lodo ma maanadu a dangada alodahi. Gai au e hagaduasala naa dahi ma dahi gi bei dagodo o ana hegau.