Proverbs 13:3 - De Beebaa Dabu

³ Tangada e kana ange laa gi ana muna e tala, e hagaloosi dono mouli, aagai tangada e lagolago laa ana muna e tala, e duu ange donu gi de hagaduasala.

Proverbs 13:3 Iomraidhean Croise

Psalm 141:3

Tagi Maolunga, dagidiiloo mai agu muna e tala i dogu ngudu; koe gi hagaloosi ina de abaaba o luoogu malaungudu.

Psalm 34:13

Koe gi daohia doo alelo mai i de baubau, gai doo ngudu gi dee daalaa hanu muna hhadu.

Psalm 39:1

Au ne hagadaba, “Au e dagitilo naa ogu haiava ma de daohi dogu alelo gi dee haisala; au e nnoa naa dogu ngudu i taulooloa de nnoho o de gau baubau i dogu mommee iai.”

Proverbs 10:14

De gau heiangi e ago gi kii ange delaadeu iloo mee, aagai muna a tangada lodo senga e hagahai ngadaa donu huu ia.

Proverbs 10:19

De masavaa naa huu aau e tala ai muna lagolago, gai koe e maua donu gi haisala, aagai tangada e maua i de daohi dono alelo se dangada heiangi.

Proverbs 10:8

Tangada heiangi e daohi denga hainga, aagai tangada lodo senga vava de ngudu e dee hagadagadaga age donu.

Proverbs 12:13

Tangada baubau e hagahaisala donu huu i ana muna e tala, aagai tangada heohi e ola mai naa i de hai ngadaa.

Proverbs 13:4

Tangada vaiduu e lodo gi mee, gai e deai donu ana mee e mau, aagai tangada hai hegau e maua mee alodahi oona e lodo ai.

Proverbs 14:3

Muna a tangada lodo senga e bei de laagau e hagailiili ai laa tua, aagai muna a de gau heiangi e buibui gilaadeu.

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Proverbs 18:7

Muna a tangada lodo senga e hagabaubau donu huu ia, gai ana muna e nnoa donu huu ia.

Proverbs 20:19

Tangada hai samu e hagangadi mee de tali a tangada; deelaa ai, aude hagabuni ange gi tangada vava de ngudu.

Proverbs 21:23

Tangada e daohia dono ngudu ma ana muna e tala, e hagaola dono mouli i de hai ngadaa.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

Judges 16:11

Samson ga hai ange gi de ia, “Noo dangada e nnoa au i hanu uga hoou tigi ai laa mee ne hai ai, gai au gu baageaa bei denga daane ange laa.”

Judges 16:17

Gai ia ga tala ange de muna abodonu gi de hine laa, ga hai ange, “Tigi ai donu se tuu ngaangaaulu o dogu biho i de leesaa, go hiidinga au se Nazirite gu hagadabu ange gi de Maadua, mai i dogu haanau. Gai noo gu tuu ngaangaaulu o dogu biho, gai ogu mahi gu hulo gee mai i ogu daha, gai au gu baageaa bei denga daane ange laa.”