Proverbs 13:2 - De Beebaa Dabu

² Muna a tangada e hai ia ga gai mee danuaa, aagai mee o de gau haisala e llodo ai go de alasala.

Proverbs 13:2 Iomraidhean Croise

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Psalm 75:8

Tagi Maolunga gu poo dahi ubu uvaini iai ebuebu gai gu hilo danuaa; ia e llingi naa uvaini nei, gai de gau baubau alodahi i henua i lalo e unu naa ga deai se madaua daudahi e doe.

Proverbs 1:18

De gau bee nei e tali donu huu delaadeu maakau, gilaadeu e daa donu huu gilaadeu gi maakau.

Proverbs 1:31

gilaadeu e gai naa hua o alaadeu hegau, ma de boobosu i de gai hua o alaadeu hagatau.

Proverbs 10:11

De ngudu o tangada heohi e bei de vai hagamouli, aagai muna a tangada baubau e hagammuni dono alasala.

Proverbs 11:23

De mee o tangada heohi e lodo ai e sula mai ai naa tanuaa, aagai de tali a tangada baubau e duu ange naa gi de bole.

Proverbs 12:14

Muna a tangada e hagadanuaa naa ia i mee danuaa; hegau a tangada e hagadanuaa naa donu huu ia.

Proverbs 18:20

Muna a tangada e aahe ange naa donu huu gi de ia; gai ia e kave naa donu hua o ana muna e tala.

Proverbs 18:21

Muna a tangada iai ssauaa o de mouli aama de magau, gai dangada e aaloha ai e gai naa donu huu alaadeu muna.

Proverbs 4:17

Go hiidinga de baubau e bei alaadeu mee e gai, gai de vaivai hai dangada go alaadeu mee e unu.

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Habakkuk 2:17

Au hegau alasala ne hai ange gi Lebanon e hai naa ga manavasaa oo lodo, gai dau daa ga maakau denga manu dolodolo e hai naa goe ga madagu, i hiidinga dodo o dangada ma dau vaivai hai denga henua ma aduhale aama dangada alodahi e nnoho ai.

Habakkuk 2:8

Koe ne hai gi de mahi mee a denga huaahenua soa, deelaa ai, dangada e doe i denga huaadangada e hai naa gi de mahi oo goloa. Go hiidinga koe ne daa dangada ga maakau; koe ne oha denga henua ma aduhale aama dangada alodahi e nnoho ai.

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”