Proverbs 10:4 - De Beebaa Dabu

⁴ Tangada vaiduu e hagaau aloha donu, aagai tangada hai mee e sula naa ga se dangada lava.

Proverbs 10:4 Iomraidhean Croise

Genesis 26:32

De laangi laa gai de gau hai hegau o Isaac ne loomai ga tala ange gi de ia, dagodo o de vai geli alaadeu gu geli laa, ga hai ange, “Gimaadeu gu gidee hanu vai.”

Proverbs 10:5

Tangada e hagabudulia huamanu i de masavaa mahanahana se dama heiangi, aagai tangada e seni i de masavaa o de hagihagi, se dama hagadookaa dangada.

Proverbs 11:24

Dahi dangada e abodonu i de ngadi gaavange mee, aagai ia e kii ange naa donu de lagolago ana mee; tangada ange laa e daohi mee e heohi dana gaavange, aagai ia e hano naa donu ga hagaau aloha.

Proverbs 12:24

Tangada hai mee e sula naa ga dagi, gai tangada vaiduu e hai naa ga se dangada hai hegau.

Proverbs 12:27

Tangada vaiduu e dee maua i de dunu i honga de ahi dana manu ne mau, aagai tangada hai hegau e kave naa goloa hagamogomogo.

Proverbs 13:4

Tangada vaiduu e lodo gi mee, gai e deai donu ana mee e mau, aagai tangada hai hegau e maua mee alodahi oona e lodo ai.

Proverbs 18:9

Tangada vaiduu i de hai ana hegau, se daina niio tangada e oohaa mee.

Proverbs 19:15

De vaiduu e hai e seni donu huu, gai tangada ngadi noho e hiigai.

Proverbs 19:24

Tangada vaiduu e velo ange dono lima gi lo te gumedi; gai e dee maua i de hagaahe age gi dono ngudu!

Proverbs 20:13

Aude lodo i de seni, koe kana hagaau aloha, gai koe ala mage hai hegau gi lagolago ai au gai.

Proverbs 20:4

Tangada vaiduu e dee hagabalabala dana veelenga i de masavaa hai veelenga, gai e deai naa donu ana huamanu e gide i de masavaa o de hagihagi.

Proverbs 21:5

Hagatau a tangada hai mee e hai ga lagolago ana mee, aagai dangada alodahi e hagamoolau e hagaau aloha naa.

Ecclesiastes 10:18

Noo tangada e vaiduu, gai laagau o de hale gu pobo, gai noo tangada e ngadi noho, gai de hale gu vava.

John 6:27

Goodou aude hai hegau ange gi gai e odi laa, aagai hai hegau ange gi gai e daakodo ange laa gi de mouli e dee ngado mai, go gai a Tama a Tangada e gaavadu gi goodou, i hiidinga Tamana go de Maadua gu lava donu i de hagailonga ia.”

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.