Proverbs 10:2 - De Beebaa Dabu

² Goloa hagamogomogo e maua laa i de mee dee heohi e deai donu ono haigamaiana, aagai de mee heohi e hagaola mai i de magau.

Proverbs 10:2 Iomraidhean Croise

Proverbs 11:4

Goloa lagolago e deai ono haigamaiana i de laangi o de bole, aagai de mee heohi e hagaola tangada mai i de magau.

Proverbs 12:28

De haiava heohi go de mouli donu, gai e deai donu se magau i lo te haiava nei.

Proverbs 13:11

De lava e maua laa i de hadu muna e moolau donu de odi, aagai de lava e hagabudu dagi de momo laa e hagadagadaga age donu.

Proverbs 21:6

Denga goloa hagamogomogo e maua i de hadu muna e bei mama o denga vai e moolau laa de lilo, gai e bei ssele o de magau.

Ezekiel 7:19

Gai gilaadeu e tili ange naa alaadeu selevaa gi honga denga haiava, gai alaadeu goolo e bei naa dagodo o de mee hakino gee. Alaadeu goolo ma selevaa e dee maua naa donu i de hagaola gilaadeu i de laangi o de bole o Tagi Maolunga. Mee nei e dee maua naa donu i de hagaboobosu gilaadeu, aabe hagahoohonu lodo olaadeu dinae, go hiidinga mee nei gu dagi ange gilaadeu gi lo te baubau.

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Romans 5:21

Deenei ai, e bei de hai o de haisala e daohi ai laa ssauaa o de magau, gai e bei ai hogi, de abodonu o de Maadua e daohi ssauaa e hagaheohi ai dangada, ma de gaavange gi gilaadeu de mouli e dee ngado mai i hiidinga o Iesu Klisdo taadeu Dagi Maolunga.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,