Proverbs 10:1 - De Beebaa Dabu

¹ Muna hagasengasenga a Solomon. Tama daane heiangi e hagamalangilangi dono damana, aagai tama lodo senga, e hagadaemaha dono dinana.

Proverbs 10:1 Iomraidhean Croise

1 Kings 4:32

Ia ne tala hogi e dolumano muna heiangi, gai ana daahili ne hadu se 1,005.

Proverbs 1:1

Muna hagasengasenga a Solomon, tama daane a David, de hodooligi o Israel:

Proverbs 13:1

Tama daane heiangi e hagallongo agoago a dono damana, aagai tama hagamanege e hagangadi mee dono hagaseegina.

Proverbs 15:20

Tama daane heiangi e hai ga malangilangi dono damana, aagai tangada lodo senga e hagangadi mee dono dinana.

Proverbs 17:21

Tangada e hagadili ina dahi dama lodo senga e daemaha ono lodo; gai tamana o tangada lodo senga e dee malangilangi donu.

Proverbs 17:25

Tama lodo senga e hagadaemaha dono damana, gai e hagammae lodo o de ia ne hanaua ia.

Proverbs 19:13

Tama lodo senga e hagahai ngadaa dono damana, gai de hine dau bodu lodo hagadaumee e bei madaua vai e dee tuu laa de too iho.

Proverbs 25:1

Aanei ange hanu muna hagasengasenga a Solomon, a denga daane hai hegau o de hodooligi go Hezekiah i Judah ne langa.

Proverbs 27:11

Dagu dama, koe gi heiangi, gi malangilangi ai au; gi maua ai e au i de basa ange gi tangada e hagangadi mee ina au.

Proverbs 29:15

De laagau haele e hai ga heiangi tangada, aagai de gauligi e dee haelea laa e hagadogaa dono dinana.

Proverbs 29:17

Haelea dau dama, gai ia ga hai ai gi noho baba goe; ia e hai naa goe ga malangilangi.

Proverbs 29:3

Tangada e lodo laa de heiangi e hagamalangilangi dono damana, aagai tangada e hai soa ange laa gi denga haahine hai be se manu e moumou donu huu dono lava.

Ecclesiastes 12:9

Tangada Agoago e dee se heiangi donu huu, aagai ia e agoago ange hogi dangada i de iloo mee. Ia ne hagasaele ma de ssala gi donu ange ia, ma de hagamaumau ma de hagatau muna heiangi.

Ecclesiastes 2:19

Gai goai e iloo be ia se dangada heiangi, aabe se dangada lodo senga? Aagai go ia naa e huahua i mee alodahi aagu ne hagaduu ngae ga hai hegau ange aagena i ogu mahi aama dogu labagau i lalo de laa. De mee nei e deai hogi ono haigamaiana.