Proverbs 1:5 - De Beebaa Dabu

⁵ tangada heiangi gi hagalaangona gi kii ange ai de lagolago ana mee e iloo, gai mee nei ga dagi ai tangada e donu ange aagena —

Proverbs 1:5 Iomraidhean Croise

2 Chronicles 25:16

De masavaa o de pelaabisi laa e basa ai, gai de hodooligi ga hai ange gi de ia, “Goai ne hagasula ina goe gi se dangada e daalaa ange mee a de hodooligi e hai? Gu lava au muna e tala! Ni haigamaiana aha doo magau?” Gai de pelaabisi laa ga tuu de tala ana muna, aagai ia ne hai ange, “Au e iloo bolo de Maadua gu hagatau e daa goe gi magau, i hiidinga au hegau gu hai, koe tee lodo e hagallongo agu muna e bale adu ai goe.”

De Beebaa go Job 34:10

Deenei ai, goodou denga daane e tonu ange laa, nnoho mai hagalaangona agu muna. De Maadua e dee hai donu de baubau, de Ia Mmahi Mmao laa e dee hai de mee dee heohi.

De Beebaa go Job 34:16

Noo koe e donu ange, gai koe hagalaangona de mee nei; noho mai hagalaangona agu muna e tala.

De Beebaa go Job 34:2

“Goodou denga daane heiangi, nnoho mai hagalaangona agu muna. Goodou denga daane iloo mee, hagalaangona agu muna;

De Beebaa go Job 34:34

Dangada e tonu ange e hai mai gi de au, gai de gau heiangi e langona agu muna e hai mai naa gi de au:

Proverbs 12:1

Be goai e malangilangi i dono haelea, e lodo hogi i de iloo mee, aagai tangada e kino i dono hagaheohi ange, se dangada senga.

Proverbs 14:6

Tangada doo mee e ssala de heiangi, gai e dee gidee e ia, aagai de iloo mee e hai ngaohie ange gi tangada e donu ange laa.

Proverbs 18:15

Tangada heiangi e lodo e hai gi maua e ia de iloo mee, gai luu dalinga o tangada heiangi e ssala de iloo mee.

Proverbs 19:25

Hagailiilia tangada doo mee, gi heiangi ai tangada lodo senga; hagaseegina tangada heiangi, gai e kii ange naa dono iloo mee.

Proverbs 21:11

Noo gu hagaduasala tangada doo mee, gai tangada lodo senga gu kii ange de heiangi; gai de masavaa naa huu e agoago ange ai tangada heiangi, gai ia gu iloo mee.

Proverbs 8:33

Nnoho mai hagalaangona agu agoago gi heiangi ai goodou, goodou aude hagangadi mee ina.

Proverbs 9:8

Koe gi dee hagaseegina tangada doo mee, go hiidinga ia e kino naa i de goe, aagai hagaseegina tangada heiangi, gai ia e aloha naa i de goe.

Proverbs 9:9

Agoagona ange tangada heiangi gi kii ange ai dono heiangi; agoagona ange tangada heohi, gi kii ange ai dana mee e iloo.

Ecclesiastes 9:11

Au ne gidee ange dahi mee i lalo de laa: de saavini houhou e dee se mee ange donu huu gi tangada gemo, taua e dee se mee ange donu huu gi tangada mmahi; denga gai e dee ni mee ange donu huu gi tangada heiangi, gai de lava e dee se mee ange donu huu gi tangada iloo mee, gai de abodonu e dee se mee ange donu huu gi tangada gu agoagona; aagai de masavaa ma mee e hai ni mee ange gi gilaadeu alodahi.

1 Corinthians 10:15

Au e hai adu gi goodou e maanetonu; goodou hagasaelea dagodo o agu mee e tala adu nei gi goodou.

Deuteronomy 4:6

Goodou kana ange daohia mee nei, gi gidee ai e denga huaadangada alodahi doodou heiangi ma doodou tonu, gai ga langona naa huu e gilaadeu denga mee gu hagasauaa nei alodahi, gai gilaadeu ga hagataba, “De huaahenua soa nei ni dangada heiangi ma de tonu.”