Proverbs 1:12 - De Beebaa Dabu

¹² gidaadeu ga hai gilaadeu gi bei dangada e loiho laa gi de mommee o de gau maakau, gilaadeu alodahi gi bei dagodo o dangada e loiho laa gi lo te geelonga o de gau maakau;

Proverbs 1:12 Iomraidhean Croise

Psalm 124:3

ma de masavaa ne kona ai delaadeu llili i gimaadeu, gai gilaadeu ne odi donu i de maakau;

Psalm 143:7

Tagi Maolunga, hagamoolau basa mai gi de au; dogu hagasaalunga gu daemaha mmao. Koe gi dee hagamuunia luoo mada i de au, ana vakaa au ga bei gilaadeu e hulo laa gi de mommee o de gau maakau.

Psalm 28:1

Tagi Maolunga, au e hagahi goe; go koe dogu baba makaga, aude bonodia luoo dalinga i de au. Noo koe e dee muu mai, gai au e bei donu dangada gu hulo laa gi de mommee o de gau maakau.

Psalm 35:25

Koe gi dee dugua ange gilaadeu gi hagataba, “Gu vakaa loo, gu tae donu omaadeu lodo!” Koe gi dee dugua ange gilaadeu gi hagataba, “Gimaadeu gu hai ia gi dee sula age.”

Psalm 5:9

E deai se gilaadeu e maua i de tala de muna abodonu, gilaadeu e maanadu donu huu de daa dangada. Olaadeu holomanga e bei taanunga e mahuge laa; gilaadeu e hagasegesege ange i alaadeu muna.

Psalm 57:3

Ia e basa mai i de langi ga hagaola mai au, ia e hagadogaa tangada e hagamaolunga i de au. Selah De Maadua e hagaago mai dono abodonu ma dono hai hegau i de muna abodonu.

Proverbs 1:13

gidaadeu e maua naa denga hagadaagangaa goloa danuaa, e hhao ai lodo odaadeu hale gi hoohonu i goloa ne hai gi de mahi;

Jeremiah 51:34

⌊Dangada o Jerusalem e hagataba,⌋ “De hodooligi o Babylon go Nebuchadnezzar gu holo gimaadeu, ia gu hai gi ssenga ange gimaadeu, ia gu hai gimaadeu bei de ssaa gu deai mee i ono lodo. Ia gu holo gimaadeu bei dahi manu hagamaatagu, ma de hhao dono dinae i agu gai mammami, ga lava ga luei mai gimaadeu.”

Lamentations 2:16

Oo hagadaumee alodahi e hai baasi adu naa gi de goe i alaadeu muna; gilaadeu e hagavogivogi, ma de kadi adu olaadeu gauvae gi de goe, gilaadeu ne hagataba, “Gimaadeu gu oha de aduhale laa! Deenei donu demaadeu laangi nogo tali laa, gai iainei gu dae mai ma gu gidee e gimaadeu!”

Lamentations 2:5

De Ia Aamua gu bei dagodo o de hagadaumee; ia gu oha ma de holo Israel. Ia ne holo ono hale danuaa alodahi, ma de oha ono mommee buibui makaga. Ia gu hai gi laumalie de hinangalosaa ma de dangi o tamaa hine o Judah.

Numbers 26:10

gai de gelegele ne mahanga lua ga holo gilaadeu madali Korah, de ahi ne daa ga maakau e 250 daane. Gai de gau laa ne hai ga se mee e hagakana ange ai gilaadeu.

Romans 3:13

Olaadeu holomanga e bei denga daanunga e maahuge laa; olaadeu alelo e daahanga dangada. Mee hagammau o denga labodo hagammau i lalo olaadeu malaungudu.