Philippians 4:8 - De Beebaa Dabu

⁸ Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.

Philippians 4:8 Iomraidhean Croise

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

2 Samuel 1:23

Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

Psalm 82:2

“Dee hee maa taulooloa doodou dee hagamodu muna i de heohi, ma doodou hagabuni ange gi de gau baubau? Selah

Proverbs 11:1

Tagi Maolunga e kino i de mee hagahidi hagasenga, aagai e malangilangi i de mee hagahidi e heohi abodonu.

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Proverbs 16:11

De mee haide ma de mee hagabau heohi ni mee nii Tagi Maolunga; gai mee alodahi e hagahidi go ia ne haia.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Proverbs 31:10

Goai e maua i de gidee dahi hahine dahulinga danuaa? De hine bee nei e hagao ngadaa ange i denga ruby.

Proverbs 31:29

“E soa haahine e hai hegau danuaa mmao, aagai koe e dubu ange i gilaadeu alodahi.”

Proverbs 31:31

Hagadubu ina de hine nei i hua o ana hegau, gai duuhia ia i denga haitoga o de aduhale, i hiidinga o ana hegau.

Song of Songs 5:16

Dono ngudu e maimai mmao, gai au e vaasuu i ono dagodo alodahi. Denga damaa hine o Jerusalem, deenei dogu dau soa, gai deenei dogu soa.

Isaiah 26:7

De haiava o tangada heohi e soe; gai koe e hai naa gi soe de haiava o tangada heohi.

Matthew 22:16

Gai gilaadeu ne hai gi hulo alaadeu dangada agoago, ma hanu dangada mai i de hagabuulinga o Herod gi ono daha, ga hai ange, “Tangada Agoago, gimaadeu e iloo bolo koe e hai hegau i de mee abodonu, gai koe e agoago de haiava o de Maadua i de mee abodonu. Koe e dee dagi i daho dangada, go hiidinga koe e dee vae dangada.

Mark 6:20

go hiidinga hogi Herod ne madagu i a John ma de lodo e buibui ia. Ia gu iloo bolo a John se daane heohi ma de dabu. Gai de masavaa a Herod ne langona ai agoago a John, gai ia e tee donu ange aagena, aagai ia ne malangilangi donu i de hagallongo ana agoago.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Luke 2:25

Gai e dahi daane i Jerusalem, dono ingoo go Simeon, ia se daane heohi ma de hai lodo o de Maadua, ia ne tali de hagaola o de gau Israel, gai de Hagasaalunga Dabu e noho i ono daha.

Luke 23:50

Gai e dahi daane dono ingoo go Joseph, ia se daane e dau i de hagabuulinga hagasaele, gai se daane danuaa ma de heohi.

John 7:18

Tangada e basa donu huu i dono sauaa e ssala donu huu dono hai e hagamahamaha ai; gai tangada e saalaa de hai e hagamahamaha ai tangada ne haia ia gi humai, se dangada e hai hegau i de muna abodonu, gai e deai donu se mee dee heohi i ono lodo.

Acts 10:22

Gai gilaadeu ga hai ange, “Cornelius, dahi dagi o de lau, se daane heohi ma de madagu i de Maadua, ma de tuhi i daho de huaahenua o de gau Ssuu, dahi dangada de langi dabu ne hai ange ia gi alumia mai goe gi hanadu gi dono hale, gai ia ga hagallongo ai au muna e tala ange.”

Acts 22:12

Gai e dahi daane go Ananias dono ingoo, ia se daane e daudali i de hainga, ma de duuhia i daho de gau Ssuu alodahi e nnoho i kilaa,

Acts 6:3

Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei.

Romans 13:13

Gidaadeu ga hai hegau gi danuaa, bei dagodo o dangada e hai hegau i de masavaa e ao ai de mee, e dee go de hai daonga ga hagalonga ai ma de unu ga ssenga, e dee go de hai be se manu ma denga dahulinga dagodo haisala, aabe go de hagadaumee aama de lodo gaiaa.

Romans 13:3

Go hiidinga denga dagi e dee se hai e hagamaatagu ai gilaadeu e haia tanuaa, aagai go gilaadeu e haia de baubau. Noo koe e lodo gi dee madagu goe i tangada iai ssauaa e dagi ai, gai koe haia tanuaa, gai ia ga tuhi ai naa goe.

Romans 14:18

Be goai e hai hegau ange gi Klisdo i de lodo nei, e hagamalangilangi de Maadua aama de tuhi i daho dangada.

Romans 2:29

Aagai tangada Ssuu abodonu se mee mai i de lodo, gai de tuu dagaholiage abodonu se mee e hai i de lodo o tangada, i ssauaa o de Hagasaalunga ⌊Dabu⌋, e dee go hiidinga o de hainga gu sisi laa. Gai dono tuhi e dee se mee mai i daho dangada, aagai mai i daho de Maadua.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Corinthians 13:7

Gai gimaadeu e dalodalo ange gi de Maadua goodou gi dee haia de mee dee heohi — e dee se hai gi gidee ai bolo gimaadeu gu maua abodonu, aagai se hai gi maua ai e goodou i de hai de mee heohi, e dee galemu donu noo e dagodo be gimaadeu tee maua abodonu.

2 Corinthians 6:8

i de hagadubu ma tee hagadubu, i de hagabaubau ina ma demaadeu duuhia. Gimaadeu gu hagabinga bolo ni dangada e daahangadia dangada, aagai gimaadeu e hai hegau donu i de mee abodonu,

2 Corinthians 8:18

Gimaadeu e hai gi hanadu madali ia dahi odaadeu daina, ia se daane gu soa dangada i denga nohoanga dabu e iloo, i hiidinga dana agoago de longo danuaa.

2 Corinthians 8:21

go hiidinga gimaadeu e dee hai hegau ange donu huu e hai de mee danuaa i mada luu mada o Tagi Maolunga, aagai go madamada hogi o dangada.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Ephesians 4:25

Deenei ai, goodou gi dee hadu muna, gai gi hagadau daalaa de muna abodonu i oodou magavaa, go hiidinga gidaadeu alodahi e dau ange gi de angaanga daudahi.

Ephesians 5:9

(go hiidinga hua o de maalama go mee danuaa alodahi ma de heohi aama de mee abodonu),

Ephesians 6:14

Deenei ai, goodou tuu gi makaga ga noonooa oodou ungaalodo i de mee abodonu, ma de dau de heohi i oodou hadahada,

Deuteronomy 16:20

Gai koe gi hai hegau i de hagamodu heohi, gi maua ai e goe gi mouli ma de henua i de henua a Tagi Maolunga doo Maadua e gaavadu gi de goe.

Philippians 3:1

Denga daina, aanei agu muna hagaodi: goodou malangilangi i hiidinga lodo o Tagi Maolunga! E dee hai ngadaa mai donu gi de au dagu ahe ange e sisi adu muna mau nei gi goodou, aagai se mee e buibui ai goodou.

Colossians 4:5

Goodou gi heiangi i doodou hai e ngalungaalue ange ai gi de gau tua de mee; gai gi dee moumou ina oodou masavaa gai gi hai hegau ai.

1 Thessalonians 4:12

Noo goodou e hai mee nei, gai goodou e hagadubulia ai naa i daho olaadeu e dee hagadonusia, aagai goodou e dee duasala hogi i dahi mee.

1 Timothy 2:2

ma denga hodooligi, ma gilaadeu iai ssauaa e dagi ai, gi maua ai e gidaadeu i de nnoho paba ma de duadonu, i taadeu hai lodo o de Maadua, aama de hagadubu alodahi.

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

1 Timothy 3:4

Ia gi maua i de dagi gi danuaa dono huaabodu donu, ma de tilo ana dama gi hagallongo ange gi de ia i de hagadubu,

1 Timothy 4:12

Gai koe gi dee dugua ange dahi dangada gi hagangadi mee ina goe i hiidinga koe goi gauligi huu, gai koe gi se hagaago danuaa ange gi gilaadeu e hagadonusia, i au muna, ma au ngalungalue, ma doo aloha, ma doo gai, aama doo gilimalali.

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

1 Timothy 5:2

gai haia denga haahine maatua gi bei oo dinana donu, gai denga damaa hine gi bei oo daina haahine donu, i de gilimalali alodahi.

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Titus 2:2

Agoagona ange denga daane maatua gilaadeu gi dee unu gi ssenga, gilaadeu gi ni dangada e hagadubu i daho dangada, ma de maua i de golomagi olaadeu lodo; gilaadeu gi tuu gi makaga i de gai, ma de aloha, aama de hagaduu ngae i de lodo mmahi.

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

Titus 3:14

Gai balea ange odaau dangada gi agoagona de hai denga hegau danuaa, gi maua ai e gilaadeu i de bale ange dangada gu duasala abodonu, gilaadeu gi dee ngadi nnoho.

Hebrews 11:2

Gai go de gai a de gau madagidagi ne maua ai i de hagamalangilangi de Maadua.

Hebrews 13:18

Goodou dalodalo i omaadeu hiidinga. Gimaadeu e iloo bolo tagi i omaadeu lodo e gilimalali, ma de llodo e hai de mee heohi i mee alodahi.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

1 Peter 4:8

Gai de mee hagamogomogo hugadoo, go doodou hagadau aaloha, go hiidinga de aloha e haoli denga haisala lagolago.

2 Peter 3:1

Ogu soa hagamogomogo, deenei de lua leda aagu gu sisi adu gi goodou, gai au ga hai gi aahe ange goodou gi manadua mee gilimalali.

1 John 3:18

Agu dama, gidaadeu gi dee daalaa donu huu bolo gidaadeu e aaloha, aagai gidaadeu gi hagahai hegau ina odaadeu aaloha i de mee abodonu.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

1 John 4:1

Ogu soa hagamogomogo, goodou gi dee hagadonusia denga hagasaalunga alodahi, gai hagataalea denga hagasaalunga ga tilo be gilaadeu ni mee mai i daho de Maadua, go hiidinga gu soa pelaabisi hadu muna gu hulo saele i henua i lalo.

Ruth 3:11

Deenei ai, dagu damaa hine, aude madagu, au e hai naa donu gi bei mee alodahi oou gu dangidangi mai ai. Dangada alodahi o de aduhale e iloo bolo koe se hine dahulinga danuaa.