Philippians 4:7 - De Beebaa Dabu

⁷ Gai de baba mai i daho de Maadua, e dee maua laa e dangada gi tonu ange aagena, gi hagaloosi ina oodou lodo ma oodou maanadu i lodo o Klisdo Iesu.

Philippians 4:7 Iomraidhean Croise

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

De Beebaa go Job 22:21

Hagadanuaa ina ooluu magavaa ma de Maadua gi baba ai oo lodo, gai tanuaa e humai naa gi de goe.

De Beebaa go Job 34:29

Aagai noo ia e dee muu, gai goai e maua i de hagabaubau ia? De masavaa aana e haoli ai luoono mada, gai goai naa e gidee ia? Gai e dee hilihili be ia e hai baasi ange gi dahi huaahenua aabe go dahi dangada,

Psalm 29:11

Tagi Maolunga e hagammahi ono dangada; Tagi Maolunga e hagamanuuia ono dangada i de nnoho paba.

Psalm 85:8

Au e hagallongo muna a de Maadua, Tagi Maolunga e tala; ia e hagatoo donu ange gi ono dangada de nnoho paba, go ono dangada dabu, aagai gilaadeu gi dee aahe ange gi hai hegau i de llodo ssenga.

Proverbs 2:11

Doo maanetonu e buibui naa goe, gai doo donu ange e hagaloosi adu naa goe,

Proverbs 4:6

Aude dilia de heiangi, gai de heiangi ga buibui ai goe; koe gi lodo mmao i de mee nei, gai ia ga hagaloosi adu ai goe.

Proverbs 6:22

Agoago nei e dagi naa goe i doo seesee, ma de dagitilo goe i doo masavaa e seni ai, gai e madaangudu adu naa gi de goe i doo alahage.

Isaiah 26:12

Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Isaiah 45:7

Au ne hagaholi de maalama ma de hagadau de gohu; go au e haia de nnoho paba ma de hai ngadaa; go au go Iahweh, ne haia mee nei alodahi.

Isaiah 48:18

Mee naa koe ne anga ange ga hagallongo agu muna, gai doo noho baba e bei dagodo o ssaalingaa vai, gai doo heohi ne bei dagodo o denga beau o de moana.

Isaiah 48:22

“E deai donu se noho paba o de gau baubau,” go Tagi Maolunga e hagadaba.

Jeremiah 32:16

“Gai ga lava huu i dagu gaavange beebaa o de alahenua laa gi Baruch, tama daane a Neriah, gai au ga dalodalo ange gi Tagi Maolunga, ga hai ange:

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Numbers 6:26

Tagi Maolunga gi daumada ina goe ma de gaavadu gi de goe de baba.” ’

Luke 1:79

e hagamaalama ai gilaadeu e nnoho i lo te gohu aama lalo de malu o de magau, e dagi ange ai gidaadeu gi de haiava o de baba.”

Luke 2:14

“Duuhia de Maadua i de mommee maolunga mmao, gai de baba gi dagodo i henua i lalo, i daho dangada oona e malangilangi ai!”

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

Romans 14:17

Go hiidinga de nohoanga hodooligi o de Maadua e dee go gai ma mee unu, aagai go de heohi ma de baba aama de malangilangi mai i daho de Hagasaalunga Dabu.

Romans 15:13

Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Romans 8:6

De maanadu lodo o de angaanga e dagi ange gi de magau, aagai de maanadu lodo o de Hagasaalunga e dagi ange gi de mouli ma de baba.

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

Ephesians 3:19

ma de tonu ange gi dagodo o de aloha o Klisdo e dubu ange laa i de iloo mee o dangada, gai goodou gi hhao gi hoohonu i dagodo alodahi o de Maadua.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Philippians 1:2

De abodonu ma de baba mai i daho de Maadua taadeu Damana aama Iesu Klisdo Tagi Maolunga gi dagodo i oodou daha.

Philippians 4:19

Gai dogu Maadua e gaavadu naa gi goodou mee alodahi oodou e duasala ai, gi bei laumalie o dono lava i lodo o Klisdo Iesu.

Philippians 4:21

Gai dagu hagaboo ange gi dangada alodahi o de Maadua gu ni dangada laa niio Klisdo Iesu. Denga daina madali au e gaavadu hogi delaadeu hagaboo gi goodou.

Philippians 4:9

Gai mee alodahi oodou gu agoago ai, ma de langona aama de gidee i ogu daha — gai goodou hai hegau ai. Gai de Maadua o de nnoho paba gi noho i oodou daha.

Colossians 3:15

Gai de baba o Klisdo gi dagina oodou lodo, go hiidinga goodou ne hagahi gi dau ange gi de angaanga e dahi. Gai goodou gi hagaahe ange de abodonu.

2 Thessalonians 3:16

Gai Tagi Maolunga o de baba gi gaavadu gi goodou de baba i masavaa alodahi ma mee alodahi. Tagi Maolunga gi noho i oodou daha alodahi.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 1:4

Mai i daho John. Ange gi denga nohoanga dabu e hidu i Asia: De abodonu ma de nnoho paba gi dagodo i oodou daha, mai i daho de ia e noho laa iainei, gai gu noho mai huu madagidagi, gai gu dai humai naa hogi, ma mai i daho denga hagasaalunga e hidu i mada i mua o dono nohoanga hodooligi,

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.