Philippians 4:5 - De Beebaa Dabu

⁵ Haia gi iloo e dangada alodahi bolo goodou e daudonu. Tagi Maolunga gu dai ahe mai donu!

Philippians 4:5 Iomraidhean Croise

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Matthew 6:34

Deenei ai, goodou gi dee manavasaa ange gi daiao, go hiidinga daiao e hanu naa hogi mee hagamanavasaa iai. Denga laangi alodahi e hanu hugadoo hai ngadaa iai.

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

1 Corinthians 16:22

Noo dahi goodou e dee aloha i Tagi Maolunga, gai ia e hagamalaia! Gi humai taadeu Dagi Maolunga!

1 Corinthians 6:7

Gai doodou hagadau gaavange gi de hainga gu hagaago mai bolo goodou e dee heohi donu. Gai gu aha gu dee hagauda ai donu huu de mee dee heohi gu hai adu laa gi goodou? Gai gu aha gu dee dugu ange ai donu huu gi gaiaadia oodou mee?

1 Corinthians 8:13

Deenei ai, noo denga gai e hai ga baageaa lodo o dogu daina, gai au gi dee ahe ange donu gi gaina hanu giidagi, kana haia e au ga doo dogu daina.

1 Corinthians 9:25

Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai.

2 Corinthians 10:1

Go au donu go Paul, au e dangidangi adu gi goodou i de lodo e daudonu ma de lodo maolalo o Klisdo — au se dangada e dee muu i de masavaa odaadeu e hegide ai, gai e lo taane i de basa i de masavaa oogu e dee noho ai i oodou daha! —

2 Thessalonians 2:2

goodou gi dee moolau de gaavee oodou lodo, be go de manavasaa oodou lodo, i hiidinga o dahi hagasaalunga be go hanu agoago, aabe se leda a hanu ne gaavadu, bolo se leda mai i omaadeu daha, gai e tala ai bolo de laangi o Tagi Maolunga gu dae mai donu.

Titus 3:2

gilaadeu gi dee hagabaubau ina dahi dangada, gilaadeu gi dee hagadau mee, gai gi daudonu ma de abodonu ange gi dangada alodahi.

Hebrews 10:25

gidaadeu gi dee dilia taadeu hagabuni e daumaha, bei dagodo hegau a hanu, aagai gi hagadau hagammahi ina goodou, i doodou gidee bolo de Laangi laa gu baa mai donu.

Hebrews 10:37

Go hiidinga, “E dee mmule naa donu, gai de ia e humai laa e humai donu, ia e dee mmule mai naa donu,

1 Peter 1:11

gilaadeu ne ssala gi iloo e gilaadeu tangada ma de masavaa a de Hagasaalunga o Klisdo e noho laa i olaadeu lodo gu tala laa, i de masavaa aana ne tala pelaabisi ai dagodo de hagaduasala o Klisdo aama dono hagamahamaha i dua mee nei.

1 Peter 4:7

De hagaodi o mee alodahi gu baa mai donu. Deenei ai, goodou gi mada ala ma de dagitilo ga dalodalo.

Revelation 22:20

Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!

Revelation 22:7

“Tilo, au gu dai humai donu! Gai e manuuia tangada e daohia muna pelaabisi i lo te beebaa nei!”