Philippians 4:15 - De Beebaa Dabu

¹⁵ Goodou de gau Philippi e iloo bolo de masavaa oogu ne hano gee ai i Macedonia, i taamada o de hagadele de longo danuaa, gai go goodou donu huu ne ngadi gaamai dahi mee gi de au, teai ange donu se nohoanga dabu ne balea mai au.

Philippians 4:15 Iomraidhean Croise

2 Kings 5:16

Aagai Elisha ne hai ange, “Au e hagatoo donu i de mouli o Tagi Maolunga, de ia oogu e hai hegau ange nei aagena, bolo au e dee kave donu dahi mee ngadi gaavange daudahi naa.” Gai Naaman ne hagammahi ange ia gi gaavee mee laa, aagai ia tee kave.

2 Kings 5:20

gai Gehazi, tangada hai hegau o Elisha, taane o de Maadua, ne hagadaba i ono lodo, “Tilo, dogu dangada aamua ne dugu Naaman, taane Syria gi hano; ia tee kave goloa aana ne gaamai. Au e hagatoo donu i de mouli o Tagi Maolunga, bolo au e savini naa e hano e kave hanu goloa laa mai i ono daha.”

Acts 16:40

Gai gilaau ga ssao mai i de hale pono ga hulo gi de hale o Lydia, ga hedae ange ai gi denga daina ga hagammahi ange olaadeu lodo. Gai gilaau ga hulo gee mai i kilaa.

Romans 15:26

De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem.

Philippians 1:12

Denga daina, au e lodo goodou gi iloo bolo mee gu hai mai nei gi de au gu hagasula ma de hai gi hagadagadaga age de longo danuaa.

Philippians 1:16

Gilaadeu e agoagona laa Klisdo i de aloha, e iloo bolo au ne tili ange gi lo te hale pono, gai au ga tala hagadonu ai de longo danuaa.

Philippians 1:5

i hiidinga goodou ni dangada e hai hegau madali au i de longo danuaa, mai i taamada ga dae mai ai gi iainei.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,