Philippians 3:7 - De Beebaa Dabu

⁷ Aagai mee alodahi aagu ne mau i dagu hai i mee nei, gai au e hagabinga bolo ni ngadi mee donu i hiidinga o Klisdo.

Philippians 3:7 Iomraidhean Croise

Genesis 19:17

Gai ga lava huu i delaau kave gilaadeu gi tua de aduhale, gai dahi gilaau ga hai ange, “Goodou saavini hulo gee gi ola ai goodou! Gai goodou e dee kalo dua donu aabe e nnoho i de mommee e soe! Gai saavini hulo gi denga mounga kana maakau goodou.”

Genesis 19:26

Aagai de bodu o Lot ne huli dua, gai ia gu makaga ga bei dagodo o dahi duludulu soolo.

De Beebaa go Job 2:4

Satan ne hai ange gi Tagi Maolunga, “De gili e sui ai de gili! Tangada e gaavange ana mee alodahi e hagao ai dono mouli.

Proverbs 13:8

De lava o dahi dangada e maua i de hagaola dono mouli, aagai e deai donu dangada e hagamadagu ina tangada hagaau aloha.

Proverbs 23:23

Hagao ina de mee abodonu, gai koe gi dee hagao ina gi daha, gai hagao ina de heiangi, ma agoago heohi, aama de donu ange danuaa.

Ecclesiastes 3:6

e dahi masavaa e ssala ai gi gidee, gai e dahi hogi masavaa e tuu ai de ssala, e dahi masavaa e doange ai, gai e dahi hogi masavaa e tili ai;

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Mark 10:50

Gai taane laa ga hagaui dono malo laa daha ga tili, ga hidi ga duu gi lunga ga hano gi daho Iesu.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Luke 14:33

Deenei ai, be goai e dee maua i de dugu mee alodahi, gai ia e dee maua i de hai gi se dangada agoago niiagu.

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

Acts 27:38

Gai ga boobosu huu gilaadeu, gai gilaadeu ga tili denga grain gi honga tai e hagamaamaane ai de vaga.

Hebrews 11:26

Ia ne hagadaba bolo de hagangadi mee ina i hiidinga o Klisdo, e hagamogomogo ange i de lava o Egypt, go hiidinga ia ne galo ange gi de hagaoanga i muli mai.