Philippians 3:3 - De Beebaa Dabu

³ I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Philippians 3:3 Iomraidhean Croise

Psalm 105:3

Hagamahamaha ina dono ingoo dabu; alodahi e saalaa Tagi Maolunga gi malangilangi!

Isaiah 45:25

Aagai go daho Tagi Maolunga a denga aamuli o Israel e gidee ai de hagaheohi ma de kii.

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

Romans 15:17

Deenei ai, au e maua i de tuhi agu hegau ange gi de Maadua, i dogu noho i lodo o Klisdo Iesu.

Romans 7:6

Aagai iainei gidaadeu gu ilaage mai i de hainga laa, gidaadeu gu maakau ange gi de hainga nogo noodia laa gidaadeu, gai gidaadeu gu dee hai hegau i de hainga duai gu lava laa i de sisi, aagai gu kave de mouli hoou o de Hagasaalunga ⌊Dabu⌋.

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Romans 8:39

be go dahi mommee maolunga, be go dahi mommee gelo, aabe go dahi mee daudahi ne hai i taamada age, i de vvae gee gidaadeu i de aloha o de Maadua i lodo o Klisdo Iesu taadeu Dagi Maolunga.

Romans 9:6

Aagai e dee go muna a de Maadua e deai ono haigamaiana. Gai e dee go dangada alodahi i de aamuli o Israel, ni dangada Israel abodonu.

2 Corinthians 11:18

Go hiidinga e soa dangada e tala tuhi gilaadeu i mee o henua i lalo nei, deelaa ai, au e tala tuhi hogi au.

Galatians 5:25

Go hiidinga gidaadeu e mouli i de Hagasaalunga ⌊Dabu⌋, gidaadeu ga seesee hogi i lodo o de Hagasaalunga.

Galatians 6:16

De baba ma de abodonu gi dagodo i daho dangada e hai hegau i mee nei, ma daho dangada o de Maadua go de gau Israel.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Deuteronomy 10:16

Deenei ai, goodou tuu dagaholiage ina oodou lodo, gai gi dee hagamakaga ina oodou lodo.

Deuteronomy 30:6

Gai Tagi Maolunga doodou Maadua e tuu dagaholiage naa oodou lodo ma lodo o oodou hagadiilinga, gi aaloha ai goodou i Tagi Maolunga doodou Maadua, i oodou lodo alodahi aama oodou hagasaalunga alodahi, gai gi mouli ai goodou.

Philippians 1:1

Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Philippians 3:12

Au e dee tala adu bolo au gu maua donu de mee nei, aabe gu heohi abodonu ogu dagodo, aagai au e hagaduu ngae e hai gi maua e au i de kave de mee a Klisdo ne hai ai laa ngau gi niiana.

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

Colossians 2:11

Gai e bei donu goodou gu tuu dagaholiage i doodou nnoho i lodo o Klisdo, i hiidinga goodou gu tili hegau baubau o de angaanga nei. Gai de tuu dagaholiage nei e dee se mee ne hai i lima o dangada, gai go de tuu dagaholiage a Klisdo.

Jude 1:20

Aagai goodou, ogu daina hagamogomogo, goodou hagadau hagammahi ina goodou i de gai e dabu mmao laa, ma de dalodalo i ssauaa o de Hagasaalunga Dabu.