Philippians 3:21 - De Beebaa Dabu

²¹ Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

Philippians 3:21 Iomraidhean Croise

Song of Songs 1:11

Gimaadeu e hai naa hanu hakai dalinga goolo moou, e hagadaakodo ange gi honga denga selevaa.

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Matthew 17:2

Gai ia gu hagadagodo gee i olaadeu madamada: luoono mada gu maalama bei de laa, gai ono malo gu tea bei de maalama.

Matthew 22:29

Aagai Iesu ne hai ange gi gilaadeu, “Goodou e dee heohi donu, i hiidinga goodou e dee iloo de Beebaa Dabu aabe go ssauaa o de Maadua.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

1 John 3:2

Ogu soa hagamogomogo, gidaadeu gu ni dama donu nii de Maadua iainei, gai tigi iloo danuaa odaadeu dagodo i muli mai. Gai gidaadeu e iloo bolo de masavaa naa huu o Klisdo e hagasula mai ai, gai gidaadeu e bei naa ono dagodo; go hiidinga gidaadeu e gidee danuaa naa donu ono dagodo.

Revelation 1:8

E hagadaba Tagi Maolunga de Maadua, “Go au de Alpha ma de Omega, go de ia e mouli iainei gai gu mouli mai huu madagidagi, gai e humai naa hogi — go de Ia Mmahi Mmao laa.”