Philippians 2:9 - De Beebaa Dabu

⁹ Deenei ai, de Maadua gu hagaamua ia ma de gaavange gi de ia de ingoo e maolunga ange i denga ingoo alodahi,

Philippians 2:9 Iomraidhean Croise

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Psalm 110:1

Tagi Maolunga ne hai ange gi dogu Ia Aamua, “Noho i dogu baasi madau, ga dae ai gi dagu hai oo hagadaumee go de mee e dugu ange aagena luoo vae.”

Psalm 110:5

De Ia Aamua e duu i doo baasi madau; ia e hagadee kii naa denga hodooligi i de laangi o dono lili.

Psalm 89:27

Gai au e hai naa ia go dagu dama madua, gai go de hodooligi e maolunga hugadoo i henua i lalo.

Psalm 91:14

⌊E hagadaba de Maadua,⌋ “Go hiidinga ia e aloha i de au, au e hagaola naa ia; Au e buibui naa ia, i hiidinga ia e iloo ogu dagodo.

Isaiah 52:13

Tilo, dogu dangada hai hegau e hai hegau naa i de iloo mee; ia e hagaamua ina naa, ma de hagadubulia, ma de maolunga mmao.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Matthew 11:27

Dogu Damana gu gaamai gi de au mee alodahi. Gai e deai donu e iloo Tama, go Tamana donu huu; e deai hogi e iloo Tamana, go Tama donu huu, aama gilaadeu a Tama e lodo e hagaago Tamana aagena.

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Luke 10:22

Dogu Damana gu dugu mai mee alodahi gi de au. Gai e deai donu e iloo be goai go Tama gai go Tamana donu huu; e deai ange hogi e iloo be goai go Tamana gai go Tama donu huu, aama tangada a Tama e lodo e hagaago ange aagena.”

John 13:3

Gai Iesu e iloo bolo Tamana gu gaavange gi de ia ssauaa e huahua ai mee alodahi, gai ia ne humai i daho de Maadua gai e ahe ange naa gi daho de Maadua.

John 17:11

Au gu dai hano gee i henua i lalo e ahe adu gi oo daha, gai gilaadeu e nnoho naa donu huu i henua i lalo. Tamana Dabu, buibuia gilaadeu i ssauaa o doo ingoo aau gu gaamai laa gi de au, gi buni ai gilaadeu gi dahi, bei odaau dagodo.

John 17:12

De masavaa oogu ne noho ai madali gilaadeu, gai au ne buibui gilaadeu i ssauaa o doo ingoo aau ne gaamai laa gi de au; au ne dagitilo ga buibui gilaadeu, gai teai donu se gilaadeu ne tili, go de ia donu huu gu hagailonga ange laa gi de magau e dee ngado mai, e hagassula muna a de Beebaa Dabu.

John 17:5

Tamana, hagamahamaha ina loo au iainei, i mada luoo mada i de mahamaha oogu nogo hagamahamaha ai laa i dogu noho madali goe, i mua de hai o henua i lalo.

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Ephesians 1:10

gai ia ga hagahai hegau ai i de masavaa gu hagamodu laa — gai ia ga hai ai gi buni mee alodahi i de langi ma henua i lalo ssauaa o Klisdo.

Colossians 1:18

Gai go ia de biho o de angaanga, go de nohoanga dabu; go ia taamada gai go ia hugadoo ne mouli age i mua i de gau maakau, deenei ai, go ia tahi i mee alodahi.

2 Thessalonians 1:12

gai gi hagamahamaha ai de ingoo o taadeu Dagi Maolunga go Iesu i oodou mouli, gai goodou gu hagamahamaha i ono daha, i de abodonu o taadeu Maadua ma Tagi Maolunga go Iesu Klisdo.

Hebrews 1:4

Ia ne hai gi maolunga ange i de gau de langi, bei de maolunga o de ingoo gu gaavange laa gi de ia, e maolunga ange ai laa i olaadeu ingoo.

Hebrews 1:9

Koe e lodo i de heohi gai e kino i de baubau. Deenei ai, de Maadua, doo Maadua gu hai goe gi maolunga ange i oo soa ange laa, i dana hagasulu goe i de lolo o de malangilangi.”

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

1 Peter 3:22

de ia gu hanage laa gi de langi ma e noho i de baasi madau o de Maadua — gai de gau de langi, ma gilaadeu e sauaa, ma gilaadeu e mmahi gu nnoho i lalo dono sauaa.

2 Peter 1:17

De masavaa aana ne kave ai de mahamaha ma de hagadubu, mai i daho Maadua Tamana, gai dahi leo ne humai gi de ia i daho de Mahamaha Sauaa laa, ga hai ange, “Deenei dagu Dama hagamogomogo, au e malangilangi i de ia.”

3 John 1:7

Gilaadeu ne hulo i hiidinga de ingoo o Klisdo, gai gilaadeu tee kave donu dahi bale mai i daho denga Gentile.

Revelation 1:5

aama mai i daho Iesu Klisdo, de ia tala hagadonu i de muna abodonu, go de ia ne mouli age i taamada, gai go tagi o denga hodooligi o henua i lalo. Gidaadeu ga tuhi de ia ne aloha laa i gidaadeu, ma de hagaola gidaadeu mai i odaadeu haisala i ono dodo,

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Revelation 3:21

Be goai e kii, gai au e hai ia gi noho madali au i honga dogu nohoanga hodooligi, bei dogu hai ne kii ai laa hogi ga noho i honga de nohoanga hodooligi o dogu Damana.

Revelation 5:12

e daahili ma e hagataba, “Ssiibi Gauligi ne daa laa ga magau, e bau ange gi de kave ssauaa, ma de lava, ma de heiangi, ma de mmahi, ma de hagadubu, ma de mahamaha aama de tuhi!”