Philippians 2:7 - De Beebaa Dabu

⁷ aagai ia ne dugu mee laa alodahi, ga hai gu bei dagodo o tangada hai hegau, ma de haanau bei dagodo o dangada. De masavaa oona ne hai ai ga bei dagodo o dangada,

Philippians 2:7 Iomraidhean Croise

Psalm 22:6

Aagai au se ilo e dee se dangada, dangada e kino ma de hagangadi mee au.

Isaiah 42:1

Tilo, deenei dogu dangada hai hegau, go ia aagu e bale ange; go ia aagu gu hili, gai go ia oogu e malangilangi ai. Au gu hai dogu Hagasaalunga gi hano iho gi ono elunga; gai ia ga hagamodu ai muna o denga huaahenua i de heohi.

Isaiah 49:3

Gai ia ne hai mai gi de au, “Go koe dogu dangada hai hegau, Israel, go koe e hagamahamaha ina au.”

Isaiah 53:11

Gai ia e malangilangi naa i dana gidee hua o de hagaduasala o dono mouli, gai de iloo mee o dogu dangada hai hegau heohi e hai naa ga heohi dangada soa, gai ia e hagauda naa olaadeu baubau.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 12:18

“Deenei dogu dangada hai hegau go au ne hilia ia, au e aloha i de ia ma de malangilangi i de ia. Au e gaavange naa gi de ia dogu Hagasaalunga, gai ia ga agoago ange ai denga Gentile dagodo o dagu hagamodu heohi.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Luke 22:27

Goai tangada maolunga, go tangada e hakaogao laa i teebele aabe go de ia e gaamai gai gi teebele? Gidaadeu e iloo bolo go de ia e hakaogao laa ma e gaimee. Aagai au e noho i oodou magavaa bei dagodo o tangada hai hegau.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

Romans 1:3

go de longo danuaa e tala ai laa dagodo o dana Dama Daane, gai ne haanau mai i de aamuli o David,

Romans 15:3

Go hiidinga Klisdo tee hagamalangilangi donu huu ia, gai gu sisi e hai ange, “Gilaadeu e hagadogaa ina goe, e hagadogaa donu hogi au.”

Romans 15:8

Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi,

Romans 8:3

Mee a de hainga tee maua laa i de hai, i hiidinga de baageaa o de baasi gi de angaanga, gai de Maadua ne hai gi humai dana Dama Daane dagidahi gi hagadulagi ange gi de angaanga e haisala laa, e hai ai ssigidaumaha e tala ai haisala. Gai ia ga daa ai gi magau de haisala e hai hegau laa i lo te angaanga,

2 Corinthians 13:4

Gai ia ne daudau i de laagau lui i de baageaa, aagai ne mouli age i ssauaa mmahi o de Maadua. Gimaadeu e baageaa hogi bei ono dagodo, aagai e hai hegau adu gi goodou i hiidinga gimaadeu gu mouli age madali ia i ssauaa mmahi o de Maadua.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Philippians 2:6

ia go de Maadua donu, gai ia tee maanadu donu bolo dono bei dagodo de Maadua se mee e daohi,

Hebrews 12:2

Gidaadeu ga daumada Iesu, taamada ma de hagaodi o odaadeu kai. Ia ne hagaduu ngae ga hagauda de laagau lui, ia tee anga ange donu gi dono hagadogaa ina, i hiidinga o de malangilangi gu dagodo laa i ono mada i mua, gai iainei ia gu noho i de baasi madau o de nohoanga o de Maadua.

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.