Philippians 2:6 - De Beebaa Dabu

⁶ ia go de Maadua donu, gai ia tee maanadu donu bolo dono bei dagodo de Maadua se mee e daohi,

Philippians 2:6 Iomraidhean Croise

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Zechariah 13:7

“De gadilaasa, alahage, hai baasi ange gi dogu dangada hagaloosi, gai hai baasi ange gi tangada e baa mai gi de au! go Tagi o denga hagabuulinga hebagi e hagadaba. Daia gi magau tangada hagaloosi, gi mavaevae saele ai denga ssiibi, gai au e hagaabo naa dogu lima e hai baasi ange ai gi denga ssiibi gauligi.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

John 10:30

Gimaau ma dogu Damana e dahi donu huu.”

John 10:33

Gai de gau Ssuu ga hai ange, “Gimaadeu e dee maga goe i hadu, i hiidinga o dahi hegau danuaa nei, gai go hiidinga koe gu hagangadi mee de Maadua i au muna. Koe se dangada bei omaadeu dagodo, gai koe e hagahedae ange goe gi de Maadua.”

John 10:38

gai noo au e hai hegau a dogu Damana, gai e dee galemu naa donu doodou dee hagadonu au, gai goodou hagadonusia agu hegau, gi iloo ai e goodou, aama de tonu ange bolo Tamana e noho i ogu daha, gai au e seesee i lodo o Tamana.”

John 14:28

Goodou gu langona dagu tala adu gi goodou, ‘Au ga hano gee nei mai i oodou daha, gai au e ahe mai naa donu gi goodou.’ Noo goodou e aaloha i de au, gai goodou e malangilangi donu i dogu ahe e hano gi daho Tamana, go hiidinga Tamana e maolunga ange i de au.

John 14:9

Iesu ne hai ange gi de ia, “Philip, gu daulooloa dogu noho i oodou daha, aagai koe tigi iloo naa donu be au goai? Be goai e gidee au, gai ia gu gidee donu Tamana, gai dee hee dau hai e hai mai ai naa, ‘Hagaagona mai gi gimaadeu Tamana’?

John 17:5

Tamana, hagamahamaha ina loo au iainei, i mada luoo mada i de mahamaha oogu nogo hagamahamaha ai laa i dogu noho madali goe, i mua de hai o henua i lalo.

John 20:28

Thomas ne hai ange gi de ia, “Dogu Dagi Maolunga, gai go dogu Maadua!”

John 5:18

Deelaa ai, de gau Ssuu ne hagammahi ai laa e ssala de hai e daa ai ia gi magau; i hiidinga ia tee oha donu huu de laangi o Sabbath, aagai ia ne hagadaba bolo de Maadua go dono Damana, ia ne hagahedae ange ia gi de Maadua.

John 5:23

gai gi odi ai dangada alodahi i de hagadubu Tama, bei delaadeu hagadubu Tamana. Tangada e dee hagadubulia Tama e dee hagadubu hogi Tamana ne haia laa gi humai Tama.

Romans 9:5

Gai go gilaadeu hogi hagadiilinga o denga dubuna madagidagi, gai Klisdo se mogobuna niiolaadeu, gai go ia de Maadua i honga mee alodahi, gai gi duuhia ia ga hano ai! Amen.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Hebrews 1:6

Gai de masavaa a de Maadua ne gaamai ai dana Dama Madua gi henua i lalo, gai ia ne hagadaba, “De gau de langi alodahi o de Maadua gi daumaha ange gi de ia.”

Hebrews 1:8

Aagai ia ne hagadaba i dagodo o dana dama daane, “De Maadua, doo nohoanga hodooligi e dagodo ga hano ai e dee ngado mai, de laagau o doo nohoanga hodooligi go de laagau o de hagamodu heohi.

Hebrews 13:8

Iesu Klisdo go tagodo mau donu huu anaahi, ma anailaa nei ga hano ai e dee ngado mai.

Revelation 21:6

Gai ia ne hai mai gi de au, “Gu lava mee alodahi! Go au de Alpha ma de Omega, go Taamada ma de Hagaodi. Au e hai naa tangada e hieunu gi unu i ssaalingaa vai o de mouli, e dee hagao donu.