Philippians 2:25 - De Beebaa Dabu

²⁵ Au e maanadu bolo e danuaa dagu hai gi ahe adu taadeu daina go Epaphroditus, ia se daane hai hegau madali au ma de hebagi madali au, go tangada oodou ne hai gi humai gi balea mai au i de masavaa oogu ne duasala ai.

Philippians 2:25 Iomraidhean Croise

Proverbs 25:13

Tangada adi muna e hai hegau laa i de mee abodonu, e bei denga snow e hagamaluulu ina laa i de masavaa o de hagihagi: ia e hagamaamaane lodo o ono dangada aamua ne haia ia gi hano.

John 13:16

Ni muna abodonu, ni muna abodonu aagu e hai adu nei gi goodou, tangada hai hegau e dee maolunga ange i dono dangada aamua, gai tangada ne hai gi hano e dee maolunga ange i tangada ne haia ia gi hano.

John 17:18

Au e hai gilaadeu gi hulo gi henua i lalo, bei dau hai ne hai ai au gi humai gi henua i lalo.

Romans 16:3

Dagu hagaboo ange gi Priscilla ma Aquila, luoogu soa hai hegau i lodo o Klisdo Iesu.

Romans 16:9

Dagu hagaboo ange gi Urbanus, tangada nogo hai hegau ange gi Klisdo madali gimaadeu, aama dogu soa hagamogomogo go Stachys.

1 Corinthians 3:9

Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.

2 Corinthians 2:13

gai ogu lodo e dee baba i hiidinga au tee gidee dogu daina go Titus i kilaa. Gai au ne hano gee mai i daho dangada i kilaa ga hano gi Macedonia.

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Colossians 1:7

Gai e bei donu doodou hai ne agoago ai laa i daho Epaphras taadeu soa hai hegau hagamogomogo. Ia se dangada hai hegau hagaduu ngae niio Klisdo i oodou hiidinga.

Colossians 4:11

Taane go Iesu e hagaingoo ange laa hogi go Justus, e gaavadu hogi dana hagaboo gi goodou. Aanei donu huu de gau Ssuu e hai hegau ange gi de nohoanga hodooligi o de Maadua madali au gai gilaadeu gu hagaaneane donu ogu lodo.

1 Thessalonians 3:2

gai ga hai taadeu daina go Timothy gi hanadu gi oodou daha, ia se dangada hai hegau hogi niio de Maadua ange gi de longo danuaa o Klisdo madali gimaadeu, gai ia ga hagammahi adu ai goodou ma de hai gi lo taane goodou i oodou kai,

Philemon 1:24

madali a Mark, ma Aristarchus, ma Demas aama Luke, go denga daane e hai hegau madali au.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.