Philippians 2:21 - De Beebaa Dabu

²¹ De gau ange laa alodahi e ssala donu huu olaadeu mee e llodo ai, e dee go mee o Iesu Klisdo e lodo ai laa.

Philippians 2:21 Iomraidhean Croise

2 Kings 12:6

Aagai de madalua ma dolu ngadau huu o Joash ne hodooligi ai, gai de gau haimeedabu tigi hai ange donu mommee gu maoha laa i de temple.

Isaiah 56:11

Gilaadeu e bei denga gaaduu hiikai, e dee maua laa gi boobosu. Gilaadeu ni dangada hagaloosi ssiibi e dee tonu; gilaadeu alodahi gu daudali donu huu i olaadeu lodo, dahi ma dahi gu ssala donu huu mee e danuaa ange gi de ia.

Malachi 1:10

Mee naa dahi goodou gi bonodia denga abaaba o de temple, gi dee duungia ai e goodou denga ahi dee haigamaiana naa i honga dagu mommee o ssigidaumaha! Au e dee malangilangi i goodou, go Tagi o denga hagabuulinga hebagi e hagadaba, gai au e dee kave naa donu oodou sigidaumaha e gaamai.

Matthew 16:24

Iesu ne hai ange hogi gi ana dangada agoago, “Be goai e lodo e daudali mai i de au, gai ia gi hagangadi mee ina ia, ga saabai dono laagau lui ga daudali mai ai i de au.

Luke 14:26

“Be goai e daudali mai i de au, gai e dee kino i dono damana, ma dono dinana, ma dono bodu, ma ana dama, ma ono daina daane, ma ono daina haahine, aama dono mouli donu, aagai ia e dee maua i de hai gi se dangada agoago abodonu niiagu.

Acts 13:13

Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem.

Acts 15:38

aagai a Paul ne maanadu bolo e dee danuaa delaau kave ia, go hiidinga ia ne tili gilaau i Pamphylia, tee noho madali gilaau ga dae ai gi de lava alaau hegau.

1 Corinthians 10:24

Tangada gi dee saalaa donu huu de mee e danuaa ange gi de ia, aagai ia gi saalaa hogi de mee e danuaa ange gi tangada ange laa.

1 Corinthians 10:33

bei dagu hai gu hagatale ai laa de hagamalangilangi dangada alodahi i agu mee alodahi e hai; au e dee ssala donu huu de mee e danuaa mai gi de au, aagai go de mee e danuaa ange gi dangada soa, gi hagamouli ai gilaadeu.

1 Corinthians 13:5

De aloha e dee hagangadi mee dangada; e dee maanadu donu huu ia; e dee moolau de lili, gai e dee golo age de baubau.

2 Corinthians 1:5

Gimaau gu dau hogi i de hagaduasala laumalie madali Klisdo, deelaa ai, gimaau gu kave hogi de hagaaneane laumalie i daho Klisdo.

Philippians 2:4

Goodou gi dee dagidiiloo donu huu oodou mee e llodo ai, aagai dagidiiloo hogi mee o de gau ange laa e llodo ai.

2 Timothy 1:15

Koe e iloo bolo dangada alodahi i Asia ne tili au, bei dagodo o Phygelus ma Hermogenes.

2 Timothy 3:2

Dangada e aaloha naa donu huu i gilaadeu, ma de nnoo ange gi sseene, ma de pasa hagamaolunga, ma de llodo maolunga, ma de hai samu o dangada, ma tee hagallongo ange gi olaadeu maadua, ma tee llodo e hagaahe ange de abodonu, ma tee dabu,

2 Timothy 4:10

go hiidinga Demas gu kii mee o henua i lalo nei i dono lodo ai, ia gu tili au gai gu hano gi Thessalonica. Crescens gu hano gi Galatia, gai Titus gu hano gi Dalmatia.

2 Timothy 4:16

Tahi hanonga ne hagamodu ai ogu muna, gai teai donu se dangada ne balea mai au, gai dangada alodahi ne tili au. Gai de baubau nei gi dee dau ange donu gi gilaadeu!