Philippians 2:17 - De Beebaa Dabu

¹⁷ Aagai noo dogu mouli e hai gi bei ssigidaumaha o mee unu e llingi ange laa gi honga ssigidaumaha o oodou kai, gai au e malangilangi donu ma de lodo danuaa madali goodou alodahi.

Philippians 2:17 Iomraidhean Croise

Numbers 28:6

Ssigidaumaha dudu nei se mee hai i laangi alodahi, gai se mee ne daamada de hai i de mounga go Sinai, se sigidaumaha nnamu kala e hai i de ahi ange gi Tagi Maolunga.

Numbers 28:7

Gai ssigidaumaha o mee unu e gaamai madali mee nei, se dahi diba i diba e haa o dahi hin uvaini; gai ssigidaumaha o mee vii nei e llingi i mada luu mada o Tagi Maolunga, i de mommee dabu.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Romans 12:1

Deenei ai, ogu daina, au e dangidangi adu, i hiidinga de abodonu o de Maadua, goodou gi dugua ange oodou angaanga alodahi e hai ai ssigidaumaha e mouli laa, gai e dabu ma de hagamalangilangi ange gi de Maadua — deenei donu doodou hai daumaha heohi gai se muna abodonu.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

2 Corinthians 12:15

Gai au e malangilangi donu i de gaavange au ma agu mee alodahi i hiidinga o oodou hagasaalunga. Noo au e kii ange dogu aloha i goodou, gai e hai naa ga kii mai ange oodou aaloha i de au?

2 Corinthians 4:12

Deenei ai, de magau e hai hegau i omaadeu daha, aagai e hai gi maua e goodou de mouli.

2 Corinthians 6:10

ni dangada e hagadaemaha ina, aagai e malangilangi i masavaa alodahi; ni dangada hagaau aloha, aagai e hai lava dangada soa; ni dangada e deai omaadeu mee, aagai gu bolo ange aagena mee alodahi.

2 Corinthians 7:4

Au e basa hagasoe adu donu gi goodou; au e kona hogi dagu tuhi goodou. Au gu kona mmao de lo taane ogu lodo. E dee galemu demaadeu hai ngadaa, gai au gu kona donu dogu malangilangi.

Philippians 1:20

Gai dagu tali ma dagu tali hagalodolodo bolo au e dee dogaa naa donu i dahi mee daudahi, aagai au e lo taane iainei aama masavaa alodahi i de hagamahamaha Klisdo i dogu angaanga nei, e dee hilihili be au e mouli aabe e magau.

Philippians 2:18

Gai goodou gi malangilangi hogi ma de llodo danuaa madali au.

Philippians 2:30

go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

1 Thessalonians 2:8

Gimaadeu e aloha mmao i goodou, deelaa ai, gimaadeu tee malangilangi donu huu i de gaavadu gi goodou de longo danuaa a de Maadua, aagai go omaadeu mouli hogi.

2 Timothy 4:6

Gai au gu baba ange donu e llingi bei dagodo o ssigidaumaha o mee unu, gai gu dae mai dogu masavaa e hano gee ai i de mouli nei.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

1 John 3:16

Gai deenei taadeu hai e iloo ai dagodo o de aloha abodonu: Iesu Klisdo ne gaavange dono mouli i odaadeu hiidinga. Gai gidaadeu gi gaavange hogi odaadeu mouli i hiidinga odaadeu daina.