Philippians 1:8 - De Beebaa Dabu

⁸ Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

Philippians 1:8 Iomraidhean Croise

De Beebaa go Job 16:19

Iainei donu gai de ia e daalaa hagadonu ogu dagodo i de langi; gai de ia e balea mai au e noho i de mommee maolunga.

Isaiah 16:11

Deenei ai, au gu dangi bei de harp i hiidinga o Moab, ogu lodo gu dangi i hiidinga o Kir Hareseth.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Luke 1:78

ma hiidinga de lodo aloha o taadeu Maadua, e haia laa ga humai de maalama o de langi gi odaadeu daha,

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

Romans 9:1

Au e tala adu gi goodou de muna abodonu i lodo o Klisdo, au e dee hadu muna donu; gai tagi o ogu lodo go dogu ia tala hagadonu i ssauaa o de Hagasaalunga Dabu,

2 Corinthians 13:9

Go hiidinga gimaadeu e malangilangi donu i demaadeu baageaa gai goodou gu mmahi. Gai gimaadeu e dalodalo gi kii ange doodou heohi abodonu.

2 Corinthians 6:12

Gimaadeu e dee daohi omaadeu aaloha i goodou, aagai go goodou e daohia oodou aaloha i gimaadeu.

2 Corinthians 7:15

Gai ia gu kii ange donu dono aloha i goodou, i de masavaa aana e maanadu ai dagodo o doodou daudali i mee alodahi, ma doodou abodonu ange gi de ia i de maatagu ma de bolebole.

Galatians 1:20

(Gai mee aagu e sisi adu nei gi goodou ni muna abodonu, au e dee hadu muna, i mada luu mada o de Maadua.)

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

Galatians 4:19

Agu dama, au gu ahe ange hogi ma gu mmae i oodou hiidinga, bei dagodo o de hine e hai ono hagalangona, ga dae ai gi de honu danuaa dagodo o Klisdo i oodou lodo!

Philippians 2:1

Deenei ai, noo e dahi oodou llodo mmahi i daho Klisdo, be se hagaaneane i de aloha, be go de buni i lodo o de Hagasaalunga ⌊Dabu⌋, aabe go de lodo aloha ma de abodonu ange gi dangada,

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

1 Thessalonians 2:5

Goodou e iloo bolo gimaadeu tee hagasegesege adu donu goodou i amaadeu muna, be ne hagasenga goodou gi dee iloo ai e goodou demaadeu nnoo hagamau mee — go de Maadua demaadeu dangada tala hagadonu.

1 Thessalonians 2:8

Gimaadeu e aloha mmao i goodou, deelaa ai, gimaadeu tee malangilangi donu huu i de gaavadu gi goodou de longo danuaa a de Maadua, aagai go omaadeu mouli hogi.

2 Timothy 1:4

Au gu lodo mmao e tilo goe, i dagu noho ga manadua oo loimada, gai gi honu abodonu ai hogi dogu malangilangi.

Philemon 1:12

Gai au gu hai ia gi ahe adu gi oo daha, gai dogu aloha e madali ia.

Philemon 1:20

Deenei ai, e taina, haia gi hanu haigamaiana o agu hegau adu gi de goe i lodo o Tagi Maolunga. Haia gi baba ogu lodo i lodo o Klisdo.

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?