Philippians 1:30 - De Beebaa Dabu

³⁰ Gai goodou e hagaduu ngae hogi madali au i de hebagi oodou gu gidee ma de langona bolo au goi hebagi ai huu iainei.

Philippians 1:30 Iomraidhean Croise

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Philippians 1:13

Gai mee nei gu dele hogi i daho denga daane hagaloosi alodahi i de Praetorium, ma dangada ange laa alodahi, gilaadeu gu iloo bolo au gu noho i lo te hale pono i hiidinga o Klisdo.

Colossians 1:29

Gai au e hagaduu ngae e hai mee nei alodahi i ssauaa mahi o de Maadua gu hagahai hegau laa i ogu daha.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

1 Timothy 6:12

Gai koe gi hagaduu ngae i de hebagi danuaa o de gai. Haia gi maua e goe de kave de mouli e dee ngado mai, go de mee oou gu hagahi ange naa aagena i dau masavaa ne tala hagadonu ai doo gai i madamada o de gau hagadonu soa.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

Hebrews 12:1

Deenei ai, go hiidinga e soa mmao de gau tala hagadonu, e daumada ina ma de duuli ina gidaadeu bei denga giliiga, deenei ai, gidaadeu ga tili mee alodahi e hagalaavea ina laa gidaadeu, ma de haisala e hai ngaohie laa taadeu noodia ai. Gai gidaadeu gi llodo mmahi i de saavini e houhou ange gi de mee gu hagailonga mai gi gidaadeu.

Hebrews 12:4

Goodou ne hai baasi ange ai gi de haisala, gai goodou tee hai baasi ange ga dae ai gi de ssali oodou dodo.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.