Philippians 1:27 - De Beebaa Dabu

²⁷ Gai goodou mouli gi bei dagodo muna o de longo danuaa o Klisdo, e dee hilihili be au e hanadu ga hedae adu gi goodou, aabe au e dee maleva, gai au e langona bolo goodou e tuu ma e makaga i de lodo daudahi, ma de hagadau bale i de hebagi i doodou hagadonu de longo danuaa.

Philippians 1:27 Iomraidhean Croise

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

1 Corinthians 1:10

Denga daina, au e dangidangi adu i de ingoo o taadeu Dagi Maolunga go Iesu Klisdo, goodou gi hagadau hagaheloongoi i oodou magavaa, gai gi deai donu oodou mee e dee heloongoi ai, gai goodou gu buni i de lodo daudahi ma de maanadu daudahi.

2 Peter 3:14

Deenei ai, ogu soa hagamogomogo, go hiidinga goodou e tali de hai mee nei, goodou hagaduu ngae haia gi deai duulangaa mee gelegele, aabe ni mee baubau i oodou daha, aama de nnoho paba.

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.

Jude 1:3

Ogu soa hagamogomogo, au ne lodo mmao e sisi adu gi goodou, dagodo o de hagamouli adaadeu alodahi gu kave nei, aagai au ne gidee bolo e danuaa dagu sisi e hagammahi adu, goodou gi lo taane ma de hagaduu ngae i de gai gu gaavange laa gi dangada alodahi o de Maadua.

1 Thessalonians 4:1

Aanei amaadeu muna hagaodi: denga daina, gimaadeu e iloo bolo goodou e hagamalangilangi donu de Maadua i oodou mouli, gai gimaadeu e dangidangi adu gi goodou i hiidinga o taadeu Dagi Maolunga go Iesu Klisdo, goodou haia gi kii ange doodou hai de mee nei, bei de hai amaadeu gu agoago adu ai goodou.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

Philippians 3:18

Go hiidinga gu soa donu dangada ni hagadaumee niio de laagau lui o Klisdo i alaadeu hegau e hai. Gai gu lava donu i dagu tala adu gi goodou mee nei i mua, gai au e ahe ange hogi e tala adu gi goodou iainei ma de dangi.

2 Corinthians 13:11

Denga daina, dagu hagaboo adu gi goodou. Goodou gi heohi abodonu, goodou hagadau hagammahi ina goodou ma de nnoho hagabuni i de baba, gai de Maadua o de aloha ma de nnoho paba gi noho madali goodou.

Acts 4:32

Gai dangada alodahi gu hagadonusia laa gu buni ma gu se lodo daudahi; gu deai donu se dangada e hagadaba bolo niiana mee e hanu i ono daha, aagai gilaadeu gu hai mee ai alodahi.

Psalm 133:1

Tilo, se mee danuaa ma de mahamaha de nnoho hagabuni o denga hai daina!

Jeremiah 32:39

Au e hai naa gilaadeu gi buni i de lodo daudahi ma de hagatau daudahi, gai gilaadeu e maatagu naa i de au ga hano ai, gi danuaa ange ai gi gilaadeu ma alaadeu dama i muli mai.

2 Peter 3:11

Go hiidinga mee alodahi e odi naa donu i de oha, gai dee hee ai naa doodou hai e mouli ai iainei? Goodou gi ni dangada e dabu ma de hai lodo o de Maadua,

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

James 3:18

Gai hua o de heohi, go gilaadeu ne dooa de nnoho paba e hagihagia.

Philemon 1:5

go hiidinga au gu langona dagodo o doo gai ange gi Tagi Maolunga go Iesu, aama doo aloha ange gi dangada alodahi o de Maadua.

Titus 2:10

Gilaadeu gi dee gaiaadia mee a olaadeu dangada aamua, gai gilaadeu gi hagaagona ange bolo gilaadeu ni dangada e dee hadu muna gai e hai hegau i de muna abodonu, gai alaadeu hegau danuaa gi hagamahamaha ina muna a de Maadua taadeu Ia Hagaola.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.

1 Timothy 1:19

aama de daohi de gai ma tagi o de lodo e dee haisala laa. Hanu gu tili mee nei, gai olaadeu kai gu maoha bei dagodo o de vaga gu maoha laa.

1 Timothy 1:11

bei dagodo muna o de longo danuaa mahamaha a de Maadua e heohi laa taadeu tuhi, go mee ne gaamai gi de au.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Matthew 12:25

Gai Iesu gu iloo alaadeu maanadu, gai ia ga hai ange gi gilaadeu, “De nohoanga hodooligi e hagadau hai baasi e maoha donu, gai de hale aabe go de aduhale e hagadau hai baasi e dee maua donu i de duu gi makaga.

Proverbs 22:23

i hiidinga Tagi Maolunga e bale ange naa donu gilaadeu, ma de hai gi hai ngadaa mouli o dangada e gaiaadia alaadeu mee.

1 Thessalonians 3:6

Iainei gai Timothy gu ahe mai donu ma gu dae mai gi omaadeu daha, gai ia gu tala mai dagodo o oodou kai aama oodou aaloha. Ia gu tala mai hogi bolo goodou goi manadua mai huu gimaadeu, ma de llodo mmao e tilo gimaadeu, bei demaadeu hai e llodo ai nei hogi e tilo goodou.

Colossians 1:4

go hiidinga gimaadeu gu langona dagodo o doodou kai ange gi Klisdo Iesu, aama doodou aaloha i dangada alodahi o de Maadua,

Philippians 2:24

Gai au e hagadonusia bolo e dee mmule naa donu gai Tagi Maolunga gu dugu mai au gi hanadu gi oodou daha.

Ephesians 1:15

Deenei ai, de masavaa huu aagu ne langona ai dagodo o doodou kai ange gi Tagi Maolunga go Iesu, ma doodou aaloha i dangada alodahi o de Maadua,

Ephesians 1:13

Goodou gu dau hogi madali Klisdo, i de masavaa oodou ne langona ai de muna abodonu, go de longo danuaa oodou ne hagamouli ai, ma doodou hagadonusia ia, ga hagailonga i de Hagasaalunga Dabu gu lava laa i de hagatoo donu ai,

Galatians 1:7

e dee se longo danuaa abodonu. Hanu dangada gu hai ma gu dee paba oodou lodo ma de hagatale de sui de longo danuaa o Klisdo.

2 Corinthians 9:13

De hegau oodou gu hai nei gu hagaago danuaa ange gi gilaadeu dagodo o oodou kai, gai gilaadeu gu tuhi de Maadua i hiidinga doodou hagallongo i muna, ma doodou daohi muna o de longo danuaa o Klisdo, aama de laumalie doodou mee ne daohi age e bale ange ai gilaadeu madali de gau ange laa.

2 Corinthians 4:4

Gai de maadua o henua i lalo nei gu lava i de hai gi dee kide lodo o dangada e dee hagadonusia, gi dee gidee ai e gilaadeu de maalama o de longo danuaa ma de mahamaha o Klisdo, go ia de hagadulagi o de Maadua.

Romans 15:29

Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.

Romans 15:16

go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.

Romans 10:8

Aagai aahee muna gu tala laa? “De muna e baa adu donu gi goodou, gai gu dagodo donu i lodo oodou ngudu aama oodou lodo,” go muna e tala ai dagodo o de gai amaadeu e agoago ai laa.

Romans 1:9

Gai go de Maadua dogu dangada hagadonu, gai au e hai hegau ange gi de ia i ogu lodo alodahi i dagu hagadele de longo danuaa o dana Dama, ia e iloo bolo au e dee tuu donu dogu dalodalo i goodou i masavaa alodahi,

Romans 1:5

Gai go ono hiidinga amaadeu ne maua ai i de kave de abodonu o de Maadua ma de hegau a tangada tala, gi maua ai e huaahenua alodahi i de hagallongo ange aama de kai ange gi de ia.

Acts 24:24

Dua hanu laangi gai Felix ma dono bodu go Drusilla, ia se hine Ssuu, gu tae mai gi kilaa. Gai Felix ga aalu ga gaamai a Paul gi daalaa dagodo o de gai ange gi Klisdo Iesu.

Psalm 122:3

Jerusalem ne hagaduu bei de aduhale e hagaduu laa ma e buni alodahi.

Philippians 1:5

i hiidinga goodou ni dangada e hai hegau madali au i de longo danuaa, mai i taamada ga dae mai ai gi iainei.

Philippians 3:20

Aagai gidaadeu, taadeu henua go de langi, go kilaa iai Iesu Klisdo Tagi Maolunga, gai gidaadeu e hagaduu ngae e tali dono ahe mai.

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

1 Chronicles 19:12

Gai ia ga hai ange, “Noo de gau Syria gu mmahi ange i de au, gai koe humai balea mai au; aagai noo de gau Ammon gu mmahi ange i de goe, gai au ga hanadu ga bale adu goe.