Philippians 1:22 - De Beebaa Dabu

²² Noo e daulooloa dogu mouli, gai gu kii ange de lagolago hua o agu hegau. Deenei ai, au gu dee iloo be dee hee dogu mee e lodo ai.

Philippians 1:22 Iomraidhean Croise

Genesis 21:26

Gai Abimelek ga hai ange, “Au e dee iloo be goai ne haia de hegau nei. Gai koe tee tala mai hogi gi de au i mua, gai au tigi langona donu hogi mee nei i mua, go anailaa nei donu huu aagu ne langona ai.”

Genesis 39:8

Aagai Joseph tee hagallongo ange, gai ia ne hai ange gi de hine laa, “Tilo, dogu dangada aamua e dee hakoso ange donu gi dahi mee daudahi i de hale; gai ia gu dugu mai ana mee alodahi au gi diiloo ange.

Psalm 71:18

Gai ga madumadua naa donu au ga sinasinaa dogu biho, dogu Maadua, koe gi dee dilia loo au, ga dae ai gi dagu tala ange dagodo o doo mmahi gi denga atangada alodahi e loomai i muli.

Exodus 32:1

Gai ga gidee huu e dangada bolo Moses gu mmule de ahe iho i ulu de mounga, gai gilaadeu ga hagabuni mai gi daho Aaron, ga hai ange gi de ia, “Haia hanu diinonga gi dagina gidaadeu, go hiidinga gidaadeu e dee iloo be ni aha gu hai ange gi Moses, taane ne hagassao ina mai gidaadeu i de henua go Egypt.”

Acts 3:17

Denga daina, au e iloo bolo goodou ma oodou dagi ne hai de mee nei i hiidinga doodou dee tonu.

Romans 1:13

Denga daina, au e lodo goodou gi tonu ange bolo gu dee modu donu dogu lodo e hanadu gi oodou daha, (aagai goi buibuia huu ga dae mai ai gi iainei); au e lodo hogi gi maua e au i de hai gi daahuli lodo o hanu i oodou magavaa, bei dagu hai gu maua ai laa i magavaa o denga Gentile ange laa.

Romans 11:2

De Maadua tigi tili donu ono dangada, go dangada aana gu iloo laa madagidagi. Goodou e dee iloo laa muna a de Beebaa Dabu e tala ai laa dagodo o Elijah, i dono dalodalo ga hagabaubau ange de gau Israel gi de Maadua?

2 Corinthians 10:3

Gai ga mouli naa donu gidaadeu i henua i lalo nei, aagai gidaadeu e dee hebagi bei dagodo de hebagi o henua i lalo.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Philippians 1:23

Au gu lua lodo i dagu maanadu luu mee nei: au e lodo e hano gee mai i de mouli nei e hano gi daho Klisdo, go hiidinga e kii ange donu i tanuaa.

Philippians 1:24

Aagai e kii ange de haigamaiana adu gi goodou noo au e mouli.

Colossians 2:1

Au e lodo goodou gi iloo bolo go oodou hiidinga oogu e hagaduu ngae ai nei, ma hiidinga o denga daina i Laodicea, aama dangada alodahi tigi gidee e gilaadeu au.

1 Peter 4:2

Gai dono masavaa e mouli ai i de angaanga nei, gai ia gu dee hai lodo o de angaanga, aagai gu hai lodo o de Maadua.