Philippians 1:15 - De Beebaa Dabu

¹⁵ Hanu e agoago Klisdo i delaadeu llodo gaiaa, ma de llodo e hagadau gaavange, aagai hanu e agoago i de lodo se muna abodonu.

Philippians 1:15 Iomraidhean Croise

Matthew 23:5

Gilaadeu e hai alaadeu hegau alodahi gi gidee ai e dangada. Gilaadeu e hai gi llaha olaadeu phylacteries, ma de hai gi lloa huga malo hagalaagii i bido i lalo o olaadeu malo lloa.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

Acts 11:20

Gai hanu gilaadeu mai i Cyprus ma Cyrene, ne hulo hogi gi Antioch ga agoago ange ai de gau Greek de longo danuaa o Tagi Maolunga go Iesu.

Acts 5:42

Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.

Acts 8:35

Gai a Philip ga daamada i de mommee aana ne dau laa, ga agoago ange ia i de longo danuaa o Iesu.

Acts 8:5

A Philip ne hano gi de aduhale go Samaria ga agoago ange ai dangada i dagodo o Klisdo.

Acts 9:20

Gai ia ne moolau donu de daamada de agoago i dagodo o Iesu i denga synagogue ga tala bolo Iesu go Tama Daane donu a de Maadua.

Romans 2:8

Aagai gilaadeu e dee anga ange gi dangada, ma tee hagallongo ange gi de mee abodonu, gai e hagallongo ange gi de mee dee heohi, e tuu ange donu gi de bole ma de lili ⌊o de Maadua⌋.

1 Corinthians 1:23

aagai gimaadeu e agoago dagodo de daudau o Klisdo i de laagau lui, go mee e hagahaisala ina de gau Ssuu, gai ni ngadi muna i daho denga Gentile.

1 Corinthians 13:3

Noo au e gaavange agu mee alodahi gi de gau hagaau aloha, be e gaavange dogu angaanga e dudu, aagai e deai se aloha i ogu daha, gai e deai donu agu mee e maua i mee nei.

2 Corinthians 1:19

Gai Tama Daane a de Maadua, go Iesu Klisdo, amaadeu ma Silvanus ma Timothy gu agoago ai laa i oodou magavaa, e dee hai adu “uaa” gai e “deai,” aagai masavaa alodahi e “uaa” i ono lodo.

2 Corinthians 11:13

Gai de gau bee nei ni dangada tala hadu muna, gai ni dangada hai hegau e hagasengalia dangada, ma de hagadulagi ange gilaadeu gi dagodo o de gau tala o Klisdo.

2 Corinthians 12:20

Gai au e manavasaa i dogu dae adu gi oodou daha, ga gidee bolo oodou dagodo gu dee bei mai dogu lodo ai, gai ogu dagodo gu dee bei adu hogi oodou lodo. Au e manavasaa i dagu gidee bolo goodou e dee buni, gai e llodo gaiaa, ma de moolau de llili, ma tee anga ange gi dangada, ma de hagadau hebagi, ma de hagadau hagabaubau, ma de hai samu, ma de llodo maolunga aama hellumi.

2 Corinthians 4:5

Gai gimaadeu e dee agoago i omaadeu dagodo, aagai go dagodo o Iesu Klisdo Tagi Maolunga, gai gimaadeu go oodou dangada hai hegau i hiidinga o Iesu.

Galatians 2:4

Gai de mee nei ne hai i hiidinga o dangada e dee hagadonusia gu ulu mai laa gi odaadeu magavaa, ma e dagitilo ai dagodo o demaadeu ilaage i daho Klisdo Iesu, gai gilaadeu ga hai ai gimaadeu gi ni dangada hai hegau dee ilaage.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.