Philippians 1:1 - De Beebaa Dabu

¹ Mai i daho Paul ma Timothy, luu dangada hai hegau o Klisdo Iesu. Ange gi dangada alodahi o de Maadua i lodo o Klisdo Iesu i Philippi, madali denga dagi ma de gau bale.

Philippians 1:1 Iomraidhean Croise

Mark 13:34

Gai e bei tangada gu baba ange laa e sailago: ia ne hano gee i dono hale, gai ga dugu ange gi ono dangada hai hegau gi diiloo ange. Gai ia ga gaavange gi dahi ma dahi ana hegau e hai, ga tala ange gi tangada hagaloosi ia gi noho gi dagitilo.

John 12:26

Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.

Acts 1:20

“Gai gu sisi i de beebaa o denga Psalm, e hai ange, ‘Dono mommee noho gi ngadi dagodo, gai gi deai dangada e nnoho ai;’ gai ‘Dono duulanga gi gaavange gi dahi dangada gee.’

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 9:13

Gai Ananias ga hai ange, “Tagi Maolunga, au gu langona longo o taane naa mai i daho dangada soa, bolo gu kona dana vaivai hai oo dangada dabu i Jerusalem.

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

1 Corinthians 16:10

Gai de masavaa naa huu o Timothy e dae adu ai gi oodou daha, gai goodou diiloo abodonu ange gi de ia, i hiidinga ia se daane hogi e haia hegau a Tagi Maolunga bei ogu dagodo.

2 Corinthians 1:1

Mai i daho Paul, tangada tala o Klisdo Iesu, bei dagodo de hagatau a de Maadua, aama taadeu daina go Timothy. Ange gi de nohoanga dabu o de Maadua i Corinth, aama dangada alodahi o de Maadua i Achaia.

Galatians 1:10

E aha, go dangada aagu e hagatale nei de hai gi malangilangi, aabe go de Maadua? Noo au goi hagatale huu de hagamalangilangi dangada, aagai au e dee se dangada hai hegau abodonu niio Klisdo.

Galatians 3:26

Go hiidinga goodou alodahi gu ni dama nii de Maadua i doodou kai ange gi Klisdo Iesu.

Galatians 3:28

Gu deai donu se dangada Ssuu, be se dangada Greek, be se dangada hai hegau, be se dangada ilaage, be se daane aabe se hine; i hiidinga goodou gu se dagodo daudahi i lodo o Klisdo Iesu.

Ephesians 1:1

Mai i daho Paul, tangada tala o Klisdo Iesu, bei dagodo de hagatau a de Maadua. Ange gi dangada o de Maadua i Ephesus, e hai hegau laa i de mee abodonu i lodo o Klisdo Iesu.

Ephesians 1:15

Deenei ai, de masavaa huu aagu ne langona ai dagodo o doodou kai ange gi Tagi Maolunga go Iesu, ma doodou aaloha i dangada alodahi o de Maadua,

Ephesians 6:24

De abodonu gi dagodo i daho dangada alodahi, e aaloha laa i taadeu Dagi Maolunga go Iesu Klisdo, i de aloha e deai laa se helui.

Philippians 2:19

Au e tali hagalodolodo ange gi Tagi Maolunga go Iesu bolo au e hai naa Timothy gi hanadu gi oodou daha i de masavaa moolau, gi malangilangi ai hogi au i dagu iloo oodou dagodo.

Philippians 2:5

Gai haia hogi gi dagodo de lodo nei i oodou lodo, go de lodo e dagodo laa i daho Klisdo Iesu:

Philippians 3:12

Au e dee tala adu bolo au gu maua donu de mee nei, aabe gu heohi abodonu ogu dagodo, aagai au e hagaduu ngae e hai gi maua e au i de kave de mee a Klisdo ne hai ai laa ngau gi niiana.

Philippians 3:3

I hiidinga go gidaadeu donu de tuu dagaholiage abodonu, gai e daumaha ange gi de Maadua i de hagasaalunga ma de malangilangi i taadeu buni ma Klisdo Iesu, gidaadeu e dee tali hagalodolodo ange gi mee e hai i de angaanga.

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

1 Thessalonians 1:1

Mai i daho Paul, ma Silvanus aama Timothy. Ange gi de nohoanga dabu o de gau Thessalonica, e seesee laa i lodo o de Maadua Tamana aama Tagi Maolunga go Iesu Klisdo. De abodonu ma de baba gi dagodo i oodou daha.

1 Thessalonians 2:2

Gai goodou ne iloo hogi dagodo o demaadeu vaivai haia aama de hagadookaa ina i Philippi i mua demaadeu loadu gi oodou daha. Gai de Maadua ne gaamai gi gimaadeu de lo taane i de tala adu de longo danuaa gi goodou, e dee galemu de soa dangada e buibuia amaadeu hegau.

2 Thessalonians 1:1

Mai i daho Paul, ma Silvanus, aama Timothy. Ange gi de nohoanga dabu o de gau Thessalonica, i lodo o de Maadua taadeu Damana aama Tagi Maolunga go Iesu Klisdo.

2 Thessalonians 1:10

i dono masavaa e humai ai i de laangi laa, e hagamahamaha i daho ono dangada dabu, gai gilaadeu alodahi gu hagadonusia e llele naa olaadeu mouli i de ia. Goodou e dau hogi madali gilaadeu, i hiidinga goodou ne hagadonusia amaadeu muna gu tala hagadonu adu gi goodou.

1 Timothy 1:2

Ange gi Timothy, dagu dama abodonu i de gai. De abodonu ma tegi aama de baba mai i daho de Maadua Tamana ma Klisdo Iesu taadeu Dagi Maolunga.

1 Timothy 3:8

Gai e bei hogi denga deacon, gilaadeu gi ni dangada e hagadubu i daho dangada, gilaadeu gi dee hadu muna, ma tee llodo e unu uvaini lagolago, gai gi dee nnoo hagamau mee.

Titus 1:1

Mai i daho Paul, tangada hai hegau o de Maadua, gai se dangada tala niio Iesu Klisdo, e hai ai gi hagadagadaga age kai o dangada a de Maadua gu lava laa i de hili, ma delaadeu iloo de mee abodonu, e haia laa gi maua e gilaadeu i de hai lodo o de Maadua,

Titus 1:7

Go hiidinga tagi o de nohoanga dabu o de Maadua, e hai donu gi deai ono mee e hagabaubau ina ai — ia gi dee hagamaolunga, be gi moolau de lillili, be gi se dangada e lodo e unu gi senga, be se dangada alasala, aabe go de nnoo hagamau mee,

Philemon 1:1

Mai i daho Paul, taane gu hhao laa gi lo te hale pono, i hiidinga o Klisdo Iesu, aama mai i daho Timothy taadeu daina. Ange gi Philemon, demaau soa hai hegau hagamogomogo,

Hebrews 13:23

Au e lodo goodou gi iloo bolo taadeu daina go Timothy gu sao mai i lo te hale pono. Noo ia e moolau dono hanadu, gai au e hanadu naa hogi madali ia e hedae adu gi goodou.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

Jude 1:1

Mai i daho Jude, tangada hai hegau o Iesu Klisdo, taina daane o James. Ange gi dangada a de Maadua gu hagahia laa, ma de hagamogomogo i daho de Maadua Tamana ma de buibui i daho Iesu Klisdo.

Revelation 1:1

Hagaago ange a Iesu Klisdo, go mee a de Maadua ne gaavange ia gi hagaagona ange gi ono dangada hai hegau, i dagodo o mee e loomai. Ia ne hai gi humai dono dangada de langi gi hagaagona ange mee nei gi dono dangada hai hegau go John,

Revelation 1:20

Gai mee e dee iloo i dagodo o denga heduu e hidu aau ne gidee laa e poo i dogu lima madau, ma denga mee dugu laama e hidu laa aanei: heduu e hidu laa go dangada de langi o denga nohoanga dabu e hidu, gai denga mee dugu laama e hidu laa go denga nohoanga dabu e hidu.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Revelation 2:12

“Gai siia ange muna nei gi tangada de langi o de nohoanga dabu i Pergamum: Aanei muna mai i daho de ia e sao mai laa de gadilaasa kangi baasi lua i lo tono ngudu.

Revelation 2:8

“Gai siia ange muna nei gi tangada de langi o de nohoanga dabu i Smyrna: Aanei muna mai i daho de ia i taamada gai go de hagaodi, go de ia ne magau laa gai gu mouli age ange.

Revelation 22:9

Aagai ia ne hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina go denga pelaabisi, aama gilaadeu alodahi e daohia muna e sisi i de beebaa nei. Gai koe daumaha ange gi de Maadua.”