Philemon 1:24 - De Beebaa Dabu

²⁴ madali a Mark, ma Aristarchus, ma Demas aama Luke, go denga daane e hai hegau madali au.

Philemon 1:24 Iomraidhean Croise

Acts 12:12

Gai de masavaa huu a Peter ne donu ange ai gi mee gu hai laa, gai ia ga hano gi de hale o Mary, tinana o John, e hagaingoo ange laa hogi go Mark. Go kilaa e hagabuni ai dangada soa ma e dalodalo.

Acts 12:25

Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.

Acts 13:13

Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem.

Acts 19:29

Gai de aduhale laa alodahi gu hellumi, gai dangada ga poo Gaius ma Aristarchus, luu daane Macedonia madali a Paul, ga tagi gilaadeu ga saavini ai gi de mommee e tilo ai hagadaahao,

Acts 27:2

Gai gimaadeu ga kage i dahi vaga o Adramyttium, gu dai malanga laa e hano gi denga daulangaa o denga vaga i de ungaamee go Asia, gai gimaadeu ne dele ga hulo. Gai Aristarchus, dahi daane Macedonia mai i Thessalonica, ne hano madali gimaadeu.

2 Corinthians 8:23

Gai dagodo o Titus, ia se daane e hai hegau madali au e bale adu ai goodou. Gai luu daane ange laa ni dangada e suuia denga nohoanga dabu, aama de hagadubu Klisdo.

Philippians 2:25

Au e maanadu bolo e danuaa dagu hai gi ahe adu taadeu daina go Epaphroditus, ia se daane hai hegau madali au ma de hebagi madali au, go tangada oodou ne hai gi humai gi balea mai au i de masavaa oogu ne duasala ai.

Philippians 4:3

Au e dangidangi adu hogi gi de goe, dogu soa hai hegau i de mee abodonu, balea ange luu haahine naa, go hiidinga gilaau ne hagaduu ngae ga hai hegau madali au i hegau o de longo danuaa, madali Clement ma ogu soa hai hegau ange laa, go gilaadeu gu daohi olaadeu ingoo i de beebaa o de mouli.

Colossians 4:10

Aristarchus se daane e noho i lo te hale pono madali au e gaavadu dana hagaboo gi goodou, ma Mark tangada o Barnabas. (Goodou gu lava i de iloo dagu hai gu tala adu ai ono dagodo; gai noo ia gu dae adu gi oodou daha, goodou abodonu ange gi de ia.)

Colossians 4:14

Luke, tangada hai magi hagamogomogo e gaavadu hogi dana hagaboo gi goodou, aama Demas.

1 Peter 5:13

De hine i Babylon, go de ia ne hili laa bei oodou dagodo, e gaavadu dana hagaboo gi goodou, aama dagu dama hogi go Mark.

3 John 1:8

Deenei ai, e heohi donu taadeu bale ange de gau bee nei, gi maua ai e gidaadeu i de hai hegau madali gilaadeu i de mee abodonu.