Philemon 1:22 - De Beebaa Dabu

²² Gai koe hagadabena ina hogi dahi aabi e noho ai au, go hiidinga au e tali hagalodolodo bolo au e hanadu naa donu gi oodou daha i doodou dalodalo i de au.

Philemon 1:22 Iomraidhean Croise

Acts 27:24

ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’

Acts 28:23

Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

2 Corinthians 1:11

Gai goodou balea mai hogi gimaau i talodalo, gi soa ai dangada e hagaahe ange de abodonu, i hiidinga de manuuia gu gaamai nei gi gimaau i de dalodalo o dangada soa.

Philippians 1:19

go hiidinga au e iloo bolo au e ola mai naa donu i mee gu hai mai gi de au, i doodou dalodalo ma de bale mai i daho de Hagasaalunga o Iesu Klisdo.

Philippians 2:24

Gai au e hagadonusia bolo e dee mmule naa donu gai Tagi Maolunga gu dugu mai au gi hanadu gi oodou daha.

Hebrews 13:19

Au e dangidangi adu hogi goodou gi dalodalo gi moolau dogu ahe adu gi oodou daha.

Hebrews 13:23

Au e lodo goodou gi iloo bolo taadeu daina go Timothy gu sao mai i lo te hale pono. Noo ia e moolau dono hanadu, gai au e hanadu naa hogi madali ia e hedae adu gi goodou.

James 5:16

Deenei ai, goodou hagadau daalaa oodou haisala, ma de hagadau dalodalo gi ieiangi ai goodou. Talodalo a tangada heohi e sauaa mmao ma de haigamaiana.

2 John 1:12

E lagolago ange donu agu muna e lodo e sisi adu gi goodou, gai au e dee lodo e sisi adu mee nei i denga dalaa beebaa ma ink. Aagai au e tali bolo au e hanadu naa donu gi oodou daha ga hedae ai gidaadeu, gi honu danuaa ai taadeu malangilangi.

3 John 1:14

Au e tali bolo e moolau naa donu taau hegide, gai gidaau ga madaangudu ai i taau hedae.