Philemon 1:20 - De Beebaa Dabu

²⁰ Deenei ai, e taina, haia gi hanu haigamaiana o agu hegau adu gi de goe i lodo o Tagi Maolunga. Haia gi baba ogu lodo i lodo o Klisdo.

Philemon 1:20 Iomraidhean Croise

1 Corinthians 16:18

gai gilaadeu gu hai ma gu paba odaadeu lodo alodahi. Deelaa ai, goodou hagadubulia de gau bee nei.

2 Corinthians 2:2

Noo au gu hagadaemaha goodou, gai goai ange naa e haia gi malangilangi au, e dee go goodou aagu gu hagadaemaha naa!

2 Corinthians 7:13

Deenei ai, gimaadeu gu hagaaneane ai hogi omaadeu lodo. Gai gimaadeu gu hagaaneane ina omaadeu lodo, ma de kii ange demaadeu malangilangi i hiidinga de malangilangi o Titus, i doodou hai ga baba ono lodo.

Philippians 1:8

Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

Philippians 4:1

Deenei ai, ogu daina hagamogomogo ma dogu buliaamoou ai, goodou go dogu malangilangi ma dogu hau mahamaha, denga soa hagamogomogo — goodou tuu gi makaga i lodo o Tagi Maolunga.

Philemon 1:12

Gai au gu hai ia gi ahe adu gi oo daha, gai dogu aloha e madali ia.

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

Hebrews 13:17

Hagallongo ange gi oodou dagi, ma de hagadubu gilaadeu, i hiidinga go gilaadeu e diiloo adu goodou i de baasi gi de hagasaalunga, gai gilaadeu e tala ange naa dagodo o alaadeu hegau gi de Maadua. Goodou haia gi malangilangi gilaadeu i de hai alaadeu hegau, goodou gi dee hagadaemaha ina gilaadeu, go hiidinga e dee haigamaiana adu gi goodou.

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

3 John 1:4

Gai e deai ange donu se mee e kii ange dogu hagamalangilangi, bei dagu langona bolo agu dama e seesee i de mee abodonu.