Philemon 1:16 - De Beebaa Dabu

¹⁶ Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.

Philemon 1:16 Iomraidhean Croise

Matthew 23:8

Aagai e dee hai dangada gi hagaagahia adu ‘tangada agoago’ gi goodou, i hiidinga e dahi donu huu oodou dangada agoago, gai goodou alodahi ni hai daina.

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

1 Corinthians 7:22

Go hiidinga tangada se dangada hai hegau i dono masavaa ne hagahia ange ai i lodo o Tagi Maolunga se dangada ilaage niio Tagi Maolunga. E bei ai hogi, tangada ilaage i dono masavaa ne hagahia ai, gu se dangada hai hegau niio Klisdo.

Colossians 3:22

De gau hai hegau, goodou hagallongo ange gi oodou dangada aamua i mee alodahi. Gai goodou gi dee hagallongo ange donu huu i de masavaa alaadeu e gidee ai goodou, gi malangilangi ai gilaadeu i goodou, aagai goodou hai hegau i de lodo se muna abodonu i doodou maatagu i Tagi Maolunga.

1 Timothy 6:2

De gau hai hegau o tangada aamua gu hagadonusia laa gi dee hagangadi mee ina ia, i hiidinga ia gu se daina, aagai gi kii ange delaadeu hai hegau danuaa ange gi de ia, go hiidinga dangada e hagadanuaa i alaadeu hegau ni dangada gu hagadonusia, gai ni daina hagamogomogo donu hogi niiolaadeu. Koe gi agoagona mee nei ma de hagammahi ange dangada gi hai hegau ai.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.