Philemon 1:14 - De Beebaa Dabu

¹⁴ Aagai au tee lodo e hai dahi mee noo tigi dugua mai i oo daha; doo abodonu mai gi de au gi se mee mai donu i oo lodo, gai gi dee se mee ne hai gi de mahi.

Philemon 1:14 Iomraidhean Croise

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

1 Corinthians 9:7

Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?

2 Corinthians 1:24

Go hiidinga e dee go gimaadeu e huahua i oodou kai, aagai gimaadeu e hai hegau madali goodou gi malangilangi ai goodou, go hiidinga go de gai oodou e tuu ai ga makaga.

2 Corinthians 8:12

Go hiidinga noo tangada gu baba ange, gai ia gi gaavange gi bei mee e hanu i ono daha, e dee go mee e deai i ono daha.

2 Corinthians 9:5

Deenei ai, au ne maanadu bolo se mee danuaa de hai denga daina nei gi loadu i mua dogu hanadu, gi hagadabena ina ai de mee ngadi gaavange oodou gu lava laa i de hagatoo donu ai, gai gi baba ai doodou mee ngadi gaavange i doodou malangilangi, e dee se mee e hai gi de mahi.

2 Corinthians 9:7

Gai dahi ma dahi gi gaavange dana mee gu baba age laa e gaavange, ia gi dee lodo lagolago ange aagena, aabe gi haia i hiidinga ia gu haia gi de mahi, go hiidinga de Maadua e lodo mmao i tangada e malangilangi laa i de ngadi gaavange mee.