Obadiah 1:6 - De Beebaa Dabu

⁶ Aagai Esau e gaiaadia naa donu ono goloa ga odi, ono goloa hagamogomogo e gaavee naa hogi!

Obadiah 1:6 Iomraidhean Croise

Psalm 139:1

Tagi Maolunga, koe gu ssala ma gu iloo ogu dagodo.

Isaiah 13:16

Alaadeu gaagaa e dagadagahia naa ga maakau i olaadeu mada i mua; gai goloa i lodo olaadeu hale e gaavee naa, gai alaadeu haahine dau bodu e haia naa gi de mahi.

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Jeremiah 49:10

Aagai au gu aau ma gu deai malo o Esau; au gu hai ga gidee mommee e hagammuni laa, gai ia e dee maua donu i de mmuni. Ana dama gu maakau, ono daina ma dangada e paa ange gi de ia gu deai.

Jeremiah 50:37

Dahi gadilaasa e daa naa denga hoosa ma de oha denga hada hebagi, ma de gau henua gee e hebagi madali gilaadeu! Gilaadeu e bei naa dagodo o denga haahine. Dahi gadilaasa e oha naa ono goloa hagamogomogo! Gilaadeu e hai gi de mahi naa ono goloa.

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.