Obadiah 1:21 - De Beebaa Dabu

²¹ De gau hagaola e loage naa gi de mounga go Zion ga dagi ai i denga mounga o Esau. Gai de nohoanga hodooligi e hai naa ga niio Tagi Maolunga.

Obadiah 1:21 Iomraidhean Croise

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

2 Kings 13:5

Gai Tagi Maolunga ga hili dahi dangada gi hagaola ina de gau Israel, gai gilaadeu gu ola mai i ssauaa o Aram. Gai de gau Israel gu aahe ange ga nnoho i lodo olaadeu hale donu bei olaadeu dagodo i mua.

Nehemiah 9:27

Gai koe ne dugu ange olaadeu hagadaumee gi hagaduasala ina gilaadeu. Aagai de masavaa huu olaadeu ne duasala ai, ga tangi adu gi de goe, gai koe ne langona mai i de langi, gai go hiidinga o doo lodo aloha laumalie, gai koe ne gaavange gi gilaadeu hanu dangada gi hagaola ina gilaadeu mai i ssauaa o olaadeu hagadaumee.

Psalm 102:15

Denga huaahenua e maatagu naa i Tagi Maolunga, denga hodooligi alodahi o henua i lalo e maatagu naa i doo mahamaha.

Psalm 22:28

I hiidinga go Tagi Maolunga e maolunga; gai go ia e hodooligi i denga huaahenua alodahi.

Psalm 22:29

De gau lava alodahi o henua i lalo e daonga naa ma de daumaha; gilaadeu alodahi e maakau laa e ino naa i ono mada i mua — aama tangada e dee maua laa i de hagaola dono mouli.

Psalm 47:7

Go de Maadua de hodooligi o henua i lalo alodahi; daahili ange gi de ia i dahi Psalm.

Psalm 67:4

Denga huaahenua gi llodo danuaa ma de daahili i de malangilangi, i hiidinga koe e hagamodu muna o dangada i de heohi gai go koe e dagina denga huaahenua o henua i lalo. Selah

Isaiah 19:20

Gai de mee laa se hagailonga gai se mee e tala ai dagodo o Tagi o denga hagabuulinga hebagi i de henua go Egypt. Gai de masavaa naa huu olaadeu e tangi ange ai gi Tagi Maolunga i hiidinga delaadeu vaivai haia, gai ia e gaamai naa dahi gi balea ange ma de hagaola gilaadeu.

Isaiah 24:23

De masavaa laa gai de maasina e senga ange naa, gai de laa e dogaa naa, go hiidinga Tagi o denga hagabuulinga hebagi e hodooligi naa i honga de mounga go Zion aama Jerusalem, gai ia e hagamahamaha naa i madamada o denga daane maatua o Jerusalem.

Daniel 12:3

Gai gilaadeu e heiangi e maalama naa bei de maalama o lo te langi; gai gilaadeu e dagina ange dangada soa gi de heohi, e maalama naa bei denga heduu ga hano ai e dee ngado mai.

Daniel 2:35

Denga iron ma gelegele pigi, ma bronze, ma selevaa, aama goolo laa ne maoha i de masavaa daudahi, gai mee laa gu bei gili grain, i de mommee hili huamanu i de masavaa mahanahana, gai de madangi ne ili mee laa gu dee maaleva. Gai de hadu ne doo iho laa ga tugi de mee e bei laa hoolinga o tangada, ne somo ga se mounga laumalie, ga hhao ai henua i lalo alodahi.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Micah 4:7

Au e hai naa tangada balagelage go dahi dangada e doe, gai dangada ne gaavee gee e hai naa ga se huaahenua mmahi. Gai Tagi Maolunga e dagi naa gilaadeu i honga de mounga go Zion, mai de laangi laa, ga hano ai e dee ngado mai.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Matthew 6:10

gi humai doo nohoanga hodooligi; gai gi hai oo lodo i henua i lalo, bei de hai e hai ai laa i de langi.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Luke 22:30

gai goodou ga gaimee ai ma de unu i teebele i dogu nohoanga hodooligi, ma de nnoho i honga denga nohoanga maolunga ga hagamodu ai muna o denga aamuli o Israel e dinoangahulu ma dogolua.

1 Timothy 4:16

Koe gi dagidiiloo iho oo dagodo aama dagodo o au mee e agoago. Koe gi lodo mmahi i de hai mee nei, go hiidinga noo koe e hai mee nei, aagai koe gu hagamouli goe aama gilaadeu e hagalaangona au muna.

James 5:20

gai ia gi donu iho bolo tangada e hagaahea mai tangada haisala i ana mee dee heohi gu hai laa, gu hagaola donu dono mouli mai i de magau aama de haoli denga haisala lagolago.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

Judges 2:16

Gai Tagi Maolunga ne hai hanu dangada hagamodu muna gi hagaola ina mai gilaadeu i lalo ssauaa o dangada e vaivai haia gilaadeu.

Judges 3:9

Aagai de masavaa huu o de gau Israel ne tangi ange ai gi Tagi Maolunga, gai ia ga hili dahi daane gi hagaola ina de gau Israel, go Othniel, tama daane a Kenaz, taina daane gauligi o Caleb.