Obadiah 1:14 - De Beebaa Dabu

¹⁴ Koe e dee tali i hesilihaginga o denga haiava e daa ai gi maakau dangada e saavini e hulo gee, aabe e booboo dangada ne ola e gaavange gi olaadeu hagadaumee i de laangi olaadeu ne hai ngadaa ai.

Obadiah 1:14 Iomraidhean Croise

Genesis 35:3

Gai gidaadeu ga hulo gi Bethel, gai au ga bae dahi mommee o ssigidaumaha ange gi de Maadua i kilaa, go de ia ne balea mai au i de masavaa oogu ne duasala ai, gai ia ne noho madali au i mommee alodahi oogu ne hano aagena.”

Psalm 31:8

gai koe tee gaavange au gi ogu hagadaumee, gai ne hai au gi duu i de mommee lahalaha.

Isaiah 16:3

“Daalaa mai amaadeu mee e hai, hilihilia mai demaadeu mee e hai. Haia doo malu gi bei de boo, i de masavaa e mmahi ai de laa i lo te laangi. Hagamuunia gilaadeu e silivaahea saele, gai koe gi dee hagaahea gilaadeu.

Isaiah 16:4

Dugua de gau Moab gu silivaahea saele laa gi nnoho i oodou daha; gai buibuia gilaadeu mai i tangada e daia gilaadeu gi maakau.” Gu dai odi de masavaa o tangada e vaivai haia dangada, gai gu ui de masavaa e oha ai, gai tangada alasala gu dee maaleva i honga de henua.

Isaiah 37:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, bei de masavaa o de hine e hai ai ono hagalangona, gai gu deai ono mahi e haanau ai.

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Amos 1:6

E hagadaba Tagi Maolunga: “Tolu hanonga o Gaza e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom.

Amos 1:9

E hagadaba Tagi Maolunga: “Tolu hanonga o Tyre e haisala ai, ga dae ai loo gi de haa hanonga, gai au e dee tuu donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom; gilaadeu tee manadua de hagatoo donu hagaheloongoi madali olaadeu daina.

Obadiah 1:12

Gai e dee heohi dau hagangadi mee doo daina i de masavaa oona ne duasala ai, aabe go doo malangilangi i dangada o Judah i de masavaa olaadeu ne oohaa ina ai, aama doo basa hagamaolunga i de laangi olaadeu ne hai ngadaa ai.

Matthew 22:9

Deenei ai, goodou hulo saalaa dangada alodahi i hesilihaginga o denga haiava, gilaadeu gi loomai gi taonga hagahai bodu.’