Numbers 6:5 - De Beebaa Dabu

⁵ Ia gi dee duudia hogi dono biho i laangi aana e hai ai de hagatoo donu nei. Ia e dabu ange gi Tagi Maolunga ga dae ai gi de odi ange ono laangi e hai ai gi se Nazirite; gai ia e dugu dono biho gi lloa.

Numbers 6:5 Iomraidhean Croise

Ezekiel 44:20

Gilaadeu e dee dahi gi malali olaadeu biho, aabe e dugu gi lloa ngaangaaulu o olaadeu biho, aagai gilaadeu e duuduu donu huu sugi olaadeu ngaangaaulu gi dee kona ai de lloa.

Numbers 6:4

Gai ia gi dee gaina hanu mee e hai i denga grape, ia e dee gai donu hogi olaadeu golee be go olaadeu gili, i laangi aana e hai ai de hagatoo donu o de Nazirite.

Acts 18:18

Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.

Judges 13:5

Gai tilo, koe e hai dama naa ga haanau dahi dama daane. Gai ngaangaaulu o dono biho e dee tuu donu, go hiidinga tama daane naa se Nazirite, ia gu vvae gee ange gi de Maadua mai i dono haanau, gai ia e daamada naa de hagaola Israel mai i ssauaa o de gau Philistia.”

Judges 16:17

Gai ia ga tala ange de muna abodonu gi de hine laa, ga hai ange, “Tigi ai donu se tuu ngaangaaulu o dogu biho i de leesaa, go hiidinga au se Nazirite gu hagadabu ange gi de Maadua, mai i dogu haanau. Gai noo gu tuu ngaangaaulu o dogu biho, gai ogu mahi gu hulo gee mai i ogu daha, gai au gu baageaa bei denga daane ange laa.”

Judges 16:19

Gai de hine laa ga hai Samson gu seni i honga luoono vae; gai ia ga hagahi dahi daane gi humai gi duuduudia denga biininga e hidu i dono biho laa. Gai de hine laa ga daamada de hagammae Samson, gai gu deai donu ono mahi.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”