Numbers 5:23 - De Beebaa Dabu

²³ Gai tangada haimeedabu gi siia muna hagamalaia nei i dahi beebaa, ga hai hanu vai ga hhui ange ai muna gu sisi laa gi lodo vai mmala laa.

Numbers 5:23 Iomraidhean Croise

2 Chronicles 34:24

‘E hagadaba Tagi Maolunga: Tilo, au e hai naa gi humai de hai ngadaa gi honga de mommee nei ma ono dangada — go denga hagamalaia alodahi gu sisi i lo te beebaa, ne dau laa i mada i mua o de hodooligi o Judah.

De Beebaa go Job 31:35

(Mee naa gi dahi dangada e hagalaangona agu muna! Tilo, au gu sisi dogu ingoo e hagasauaa ai agu muna; de Ia Mmahi Mmao laa gi basa mai gi agu muna, gai dogu hagadaumee gi siia ana mee e hagabaubau ai au.

Psalm 51:1

De Maadua, degi mai gi de au gi bei dagodo o doo abodonu; sooloa gi deai ogu haisala, bei de laumalie o doo lodo aloha.

Psalm 51:9

Hagamuunia luoo mada i ogu haisala, gai sooloa ogu baubau alodahi.

Exodus 17:14

Gai Tagi Maolunga ga hai ange gi Moses, “Siia mage daohia mee nei i lo te beebaa e hagamaanadu ange ai gi dangada ma de dau ange gi langona e Joshua, go hiidinga au e hai naa de gau Amalek gi odi i teai, gai gi deai dangada e manadua gilaadeu.”

Isaiah 43:25

Go au, go au donu e sooloa gi deai oo haisala i hiidinga o dogu ingoo; au e dee ahe ange naa donu e maanadu oo haisala.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.

Numbers 5:22

Gai denga vai aau ga unu nei gi haia de mee hagamalaia nei gi hano gi oo lodo, gi hua ai doo dinae gai mee i magavaa luoo vae gi iai de magi e dee maua laa gi ieiangi.” Gai de hine laa gi hai ange, “Amen, Amen.”

Numbers 5:24

Gai ia ga hai de hine laa gi unumia vai mmala e hagamalaia ai laa, gai vai laa e hulo naa gi ono lodo ga hagamalaia ai ia ma de hai gi mmae ia.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Deuteronomy 31:19

Gai koe siia taahili nei ga agoago ange gi de gau Israel, gai gilaadeu ga daahili ai, gai taahili nei ga tala hagadonu ai ma de hagabaubau gi gilaadeu.

Revelation 20:12

Gai au ne gidee hogi de gau maakau, go gilaadeu e maolunga ma gilaadeu e maolalo, e tuu i mada i mua o de nohoanga laa, gai gu hhuge denga beebaa. Gai gu hhuge ange hogi dahi beebaa gee, deenei de beebaa o de mouli. Gai de gau maakau gu hagamodu olaadeu muna i mee gu sisi i lodo beebaa laa, gi bei dagodo o alaadeu hegau ne hai.