Numbers 35:6 - De Beebaa Dabu

⁶ Gai mai i denga aduhale oodou e gaavange gi de aamuli o Levi, gai e ono aduhale laa ni aduhale e maua e tangada gu daia laa dahi dangada ma gu magau i de savini ga hano ga noho i kilaa. Gai e madahaa ma lua ange aduhale oodou e gaavange gi gilaadeu.

Numbers 35:6 Iomraidhean Croise

Psalm 9:9

Tagi Maolunga se mommee buibui makaga niiolaadeu e duasala, gai se mommee buibui makaga i de masavaa hai ngadaa.

Exodus 21:13

Aagai noo tangada tee se hagabau, gai go de Maadua ne dugua ange gi hai de hegau laa, gai ia gi savini gi hano gi de mommee aagu gu hagailonga.

Isaiah 4:6

Gai se mommee e hagalilo ai i de laa i de laangi, gai se buibui i de masavaa o de langi ma de madangi.

Numbers 35:5

Gai goodou haidea tua denga aduhale laa gi luamano sugilima i baasi dua, e luamano sugilima i baasi ngaage, e luamano sugilima i de baasi dai, gai e luamano sugilima i baasi ngaiho, gai de aduhale i lo te ungaalodo; de mommee iai helii se mommee ange gi dangada i denga aduhale laa.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Hebrews 6:18

gai luu mee nei e dee maua donu i de sui; de Maadua e dee maua donu i de hadu muna, deenei ai, gidaadeu gu mmuni laa i ono daha gu llodo mmahi i de daohi de tali hagalodolodo gu dagodo mai laa i odaadeu mada i mua.

Joshua 21:13

Gai gilaadeu ne gaavange Hebron (go dahi aduhale hagaola) gi hagadiilinga o Aaron tangada haimeedabu, ma ono mommee iai helii, ma Libnah ma ono mommee iai helii,

Joshua 21:21

Gilaadeu ne kave Shechem (go dahi aduhale hagaola) ma ono mommee iai helii, i de mommee iai mounga o Ephraim, ma Gezer ma ono mommee iai helii,

Joshua 21:27

Gai denga hagadiilinga o Gershon mai i de aamuli o Levi ne kave: Mai i daho dahi luu baasi de aamuli o Manasseh: go Golan i Bashan (go dahi aduhale hagaola) ma ono mommee iai helii, ma Be Eshterah ma ono mommee iai helii — e lua aduhale nei.

Joshua 21:3

Gai de gau Israel ne vvae ange gi de aamuli o Levi, hanu aduhale mai i olaadeu vaaenga, ma olaadeu mommee iai helii, bei de hai a Tagi Maolunga gu tala ange ai.

Joshua 21:32

Gai mai i de aamuli o Naphtali: go Kedesh i Galilee, ma ono mommee iai helii (go dahi aduhale hagaola), ma Hammoth Dor ma ono mommee iai helii, ma Kartan ma ono mommee iai helii — e dolu aduhale nei.

Joshua 21:36

Gai mai de aamuli Reuben: go Bezer ma ono mommee iai helii, ma Jahaz ma ono mommee iai helii,

Joshua 21:38

Gai mai i daho de aamuli o Gad: go Ramoth i Gilead (go dahi aduhale hagaola) ma ono mommee iai helii, ma Mahanaim ma ono mommee iai helii,