Numbers 35:32 - De Beebaa Dabu

³² Goodou e dee kave hogi dahi hagaoanga e hagao ai tangada gu savini ma gu hano gi dahi aduhale hagaola, gi maua ai e ia i de ahe gi dono aduhale, i mua de magau o tangada haimeedabu maolunga.

Numbers 35:32 Iomraidhean Croise

2 Samuel 21:4

Gai de gau Gibeon ga hai ange gi de ia, “E dee go goolo be go selevaa e hagaheohi ina mee i omaadeu magavaa ma Saul ma dono huaabodu; e deai hogi semaadeu heohi e daa ai dahi dangada Israel gi magau.” Gai David ne ssili ange, “Gai se aha oodou e llodo au gi haia adu moodou?”

Numbers 35:31

Gai goodou e dee kave dahi hagaoanga e hagaola ai tangada gu daa laa donu dahi dangada ma gu magau; aagai ia e daa donu gi magau.

Numbers 35:33

Goodou e dee hai gi hakino gee de henua oodou e nnoho ai; go hiidinga denga dodo e hai ga hakino gee de henua, gai e dee maua donu i de hai gi gilimalali, i hiidinga o denga dodo gu hagassali laa i kilaa, gai go de daa donu gi magau tangada ne daia laa dahi dangada ga magau.

Acts 4:12

E deai ange donu se hagamouli i daho dahi dangada ange, gai e deai ange donu se ingoo ne gaavange gi dangada o henua i lalo e maua i de hagamouli gidaadeu.”

Galatians 2:21

Au e dee hagangadi mee de abodonu o de Maadua; go hiidinga noo gimaadeu ne hagaheohi i de hainga, aagai teai donu haigamaiana de magau o Klisdo.

Galatians 3:22

Aagai de Beebaa Dabu e hagadaba bolo dangada alodahi gu nnoho i lalo ssauaa o de haisala; gai go gilaadeu e kai ange gi Iesu Klisdo e gaavange aagena de hagatoo donu i delaadeu hagadonusia.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.