Numbers 35:12 - De Beebaa Dabu

¹² Denga aduhale nei ni aduhale e buibui ai goodou mai i tangada e lodo laa e suuia adu au mee ne hai, gai gi dee daia ai tangada ne daia dahi dangada ga magau, gai e dee se hagabau, ga dae ai gi de hagamodu ono muna i daho de hagabuulingaa dangada.

Numbers 35:12 Iomraidhean Croise

2 Samuel 14:7

Gai dogu hagadiilinga alodahi gu hai baasi mai gi de au, ma de hagataba, ‘Gaamai dau dama ne daia laa dono daina, gai gimaadeu ga daa ia gi magau, e sui ai de mouli o dono daina aana ne daa laa ga magau; gai gidaadeu ga hai gi deai se dama e gaavee de boolonga.’ Gilaadeu e diinei naa de maga ahi e doe i ogu daha, ma de hai gi deai se ingoo o dogu bodu aabe go dono aamuli i honga de henua.”

Numbers 35:13

Gai denga aduhale oodou e gaavange e hai ai e ono aduhale hagaola adu gi goodou.

Numbers 35:19

Gai tangada e suuia ange ana hegau gi daia tangada laa gi magau; noo ia gu hedae ange gi de ia, gai ia gi daia ia gi magau.

Deuteronomy 19:4

Deenei de hainga ange gi tangada e daia dahi dangada ga magau, gai ia e savini e hano gi dahi aduhale laa, e hagaola ai dono mouli — tangada e daia ga magau dahi dangada, gai tee se hagabau, ia tee kino hogi i tangada laa i laangi i mua.

Deuteronomy 19:6

Kana dolohia e tangada e suuia ange de baubau i dono lili ga daea ia, i hiidinga de mommee iai de aduhale o de hagaola e kona de mmao, gai tangada laa ga daa ia gu magau, e dee galemu donu e dee heohi dono magau, i hiidinga ia tee hagatau e daa tangada gi magau.

Joshua 20:2

“Hai ange gi de gau Israel, gilaadeu gi hilia denga aduhale hagaola, bei dagu hai gu tala adu ai gi gilaadeu i daho Moses.

Joshua 20:9

Aanei denga aduhale hagaola gu vvae, e hulo de gau Israel, ma de gau henua gee e nnoho i olaadeu magavaa — noo tangada gu daa dahi dangada ga magau, gai ia tee se hagabau, gai ia e maua i de savini e hano gi dahi aduhale hagaola laa, gi dee daia ai ia i tangada e suuia ange ana mee ne hai, ga dae ai gi de hagamodu ono muna i mada i mua o dangada.