Numbers 34:2 - De Beebaa Dabu

² “Daalaa ange gi de gau Israel bolo de masavaa naa huu oodou e tae gi de henua go Canaan (deenei de henua e gaavadu goodou gi henua ai, go de henua o Canaan alodahi),

Numbers 34:2 Iomraidhean Croise

Genesis 10:19

Gai de henua o de gau Canaan ne hano gi Sidon gai e dae gi Gerar, gai e hano hogi ga dae gi Gaza ma Sodom ma Gomorrah, ma Admah, ma Zeboiim, gai e ngado mai i Lasha.

Genesis 17:8

Gai de henua alodahi o Canaan, oou e noho gaainga ai naa, e gaavadu naa gi doo hagadiilinga e loomai i oo dua ga hano ai; gai au e hai naa go delaadeu Maadua.”

Psalm 105:11

“Au e gaavadu naa gi de goe de henua go Canaan e hai ai doo mommee e henua ai.”

Exodus 23:31

Au e hagatuu naa oodou goinga mai i Tai Mmea ga hano ga duu i Tai o Philistia, ma mai i de vao ga dae ai gi ssaalingaa vai go Euphrates. Gai au e hai naa gi kii goodou i dangada e nnoho i de henua, gai goodou ga aau gee ai gilaadeu gi dee nnoho i oodou daha.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Ezekiel 47:13

E hagadaba de Ia Aamua go Iahweh: “Aanei ngaadonga o de henua oodou e vaevae ange ai gi denga aamuli e madaangahulu ma lua o Israel. Gai e lua mommee e vvae ange gi de aamuli o Joseph.

Ezekiel 47:14

Gai goodou vaevaaea de henua i oodou magavaa ga hagahedae ai goodou, go hiidinga au ne hagatoo donu ange bolo au e gaavange de henua nei gi oodou dubuna madagidagi. De henua nei go doodou boolonga.

Numbers 34:1

Gai Tagi Maolunga ga hai ange gi Moses,

Acts 17:26

Gai ia ne hai denga huaahenua alodahi i daho dahi dangada daudahi, gai gilaadeu ga nnoho ai i honga henua i lalo alodahi. Madagidagi gai ia gu hagamodu denga masavaa ma goinga o olaadeu mommee e nnoho ai,

Acts 26:18

gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’

Ephesians 1:14

go de ia e hagadonu ai taadeu boolonga ga dae ai gi taadeu kave de mee gu bolo mai laa gi gidaadeu, gai gidaadeu ga tuhi ai dono mahamaha.

Ephesians 1:18

ma de hagamaalama de ganomada i oodou lodo, gi iloo ai e goodou dagodo o de tali hagalodolodo aana gu hagahi ange goodou aagena, ma de mahamaha laumalie aana gu bolo ange gi ono dangada,

Joshua 11:23

Gai Joshua ne hagadee kii de henua alodahi, bei de hai a Tagi Maolunga gu tala ange ai laa gi Moses; gai Joshua ga vaevae ange de henua gi de gau Israel gi henua ai, de aamuli nei ma dono vaaenga. Gai de henua gu nnoho paba, gu deai hebagi e hai.

Joshua 13:1

De masavaa o Joshua ne madumadua ai, gai Tagi Maolunga ga hai ange gi de ia, “Koe gu madumadua, gai goi lagolago huu mommee i de henua oodou tigi kave.

Joshua 21:43

Gai Tagi Maolunga ne gaavange de henua alodahi gi de gau Israel, go de henua aana ne hagatoo donu ange gi olaadeu dubuna madagidagi, gai gilaadeu ne kave ga nnoho ai.