Numbers 32:1 - De Beebaa Dabu

¹ Gai de aamuli o Reuben ma de aamuli o Gad gu lagolago mmao alaadeu manu haangai; gai gilaadeu ne gidee bolo luu mommee go Jazer ma Gilead, ni mommee danuaa ange gi denga manu.

Numbers 32:1 Iomraidhean Croise

Genesis 13:2

Gai Abram gu kona donu de lagolago ana manu haangai, ma selevaa, aama goolo.

Genesis 13:5

Gai Lot, taane e hano saele laa madali Abram, gu lagolago hogi ana ssiibi, ma ana manu haangai, aama ono hale malo.

Genesis 29:32

Gai Leah gu hai dama ga haanau dahi dama daane, gai ia ga hagaingoo ange ia go Reuben, gai ia ne hagadaba, “Tagi Maolunga gu gidee dogu duasala, dua iainei gai dogu bodu e aloha donu i de au.”

Genesis 47:4

Gai gilaadeu ne hai ange gi Pharaoh, “Gimaadeu ne loomai e nnoho i de henua nei, go hiidinga gu deai donu helii e gaimee ai amaadeu manu, gai gu kona hogi de laumalie de onge i de henua go Canaan. Gai koe gi dee haihaia, dugua mai de mommee go Goshen e nnoho ai gimaadeu, oo dangada hai hegau.”

2 Samuel 24:5

Gilaadeu ne hulo gi de baasi i dua o Jordan ga nnoho gaainga i Aroer, i baasi ngaage de geelonga. Muli mai gai gilaadeu ne hulo ga hagadaga i Gad ma Jazer.

2 Samuel 24:6

Gai gilaadeu ne hulo laa Gilead, ma Kadesh i de henua o de gau Heth, ga hulo ai gi Dan, gai gilaadeu ne hulo mai i Dan ga hhagi iho gi Sidon,

1 Chronicles 4:41

Gai dangada gu sisi olaadeu ingoo ne loomai i de masavaa o Hezekiah, de hodooligi o Judah. Gilaadeu ne daa ga odi i de maakau de aamuli o Ham, ma de aamuli o Meun nogo nnoho laa i kilaa, bei de hai gu dagodo ai anailaa nei. Gai gilaadeu ga nnoho i delaadeu mommee, go hiidinga se mommee iai helii e haangai ai alaadeu manu.

Exodus 12:38

Gai e soa hogi dangada gee ne hulo madali gilaadeu, ma ssiibi ma guudi aama kaau lagolago mmao.

Jeremiah 22:6

Gai e hagadaba Tagi Maolunga i dagodo o de hale o de hodooligi o Judah: “E dee galemu donu koe e bei Gilead mai gi de au, ma de ulu o Lebanon, gai au e hai naa goe gi bei de vao, ma denga aduhale e deai dangada e nnoho ai.

Jeremiah 48:32

Denga grapevine o Sibmah, au e dangi i oo hiidinga, bei de hai o Jazer e dangi ai. Oo laa e ssomo naa ga tae gi honga tai; gai e tae naa hogi gi tai o Jazer. Gai de ia oha mee e oha naa au huamanu lleu ma au grape.

Jeremiah 50:19

Aagai au e hagaahe mai naa Israel gi dono mommee iai helii, gai ia e gaimee ai i honga Carmel ma Bashan; ia e bosu danuaa naa i honga duuduu o Ephraim ma Gilead.

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Numbers 21:32

Gai Moses ne hai hanu gi hulo gi mulidagi ina Jazer; gai de gau Israel ne hagadee kii de henua laa ma denga aduhale vaaligiligi i luu baasi, ga kave mommee o de gau Amor i kilaa.

Numbers 32:2

Gai luu aamuli nei ne loomai gi daho Moses, ma tangada haimeedabu go Eleazar, aama dagi o de hagabuulingaa dangada laa, ga hai ange,

Numbers 32:26

Omaadeu huaabodu, ma amaadeu ssiibi, aama amaadeu manu haangai alodahi, e nnoho naa i denga aduhale o Gilead;

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —

Numbers 32:35

ma Atroth Shophan, ma Jazer, ma Jogbehah,

Deuteronomy 33:21

Ia ne kave de mommee danuaa hugadoo i de henua moona; tuuhanga o tagi ne gaavange gi de ia. De masavaa ne hagabuni ai dagi o dangada, ia e hai gi bei hagatau heohi a Tagi Maolunga ma ana hagamodu heohi ange gi Israel.”

Joshua 13:25

Delaadeu mommee e daamada mai i Jazer, ma denga aduhale alodahi o Gilead, ma dahi luu baasi de henua o de gau Ammon ga dae ai loo gi Aroer, i baasi i dua o Rabbah;

Joshua 22:13

Gai de gau Israel ne hai gi hulo Phinehas, tama daane a Eleazar tangada haimeedabu gi daho de aamuli o Reuben, ma de aamuli Gad, aama dahi baasi o de aamuli o Manasseh i de henua go Gilead.

Joshua 22:9

Gai de aamuli o Reuben, ma de aamuli o Gad, aama dahi luu baasi de aamuli o Manasseh ne hulo gee mai i daho de gau Israel i Shiloh, i de henua go Canaan, ga aahe gi de henua go Gilead, go de mommee ne bolo ange gi gilaadeu, bei de hai a Tagi Maolunga gu tala ange ai gi gilaadeu i daho Moses.

1 John 2:16

Go hiidinga mee alodahi i henua i lalo — go lodo baubau o de angaanga, ma mee a luu ganomada e nnoo ange laa aagena, aama mee a tangada e tuhi ai laa ia — e dee ni mee mai i daho Tamana aagai ni mee mai i henua i lalo.

Judges 5:16

Gu aha gu nnoho ai goodou i magavaa o denga buibui ssiibi, e hagallongo ai de koo o denga ssiibi? De vaaenga o de aamuli o Reuben tee maua i de hagasaele delaadeu mee e hai.